Verbum

батыме́трыя, ‑і, ж.

Спец. Вымярэнне водных глыбінь.

[Грэч. bathýs — глыбокі, metreō — мераю.]

батыпла́н, ‑а, м.

Глыбакаводны апарат для вывучэння марскіх глыбінь, здольны манеўраваць у вертыкальным і гарызантальным становішчы.

баты́р, ‑а, м.

Ва ўсходніх народаў — волат, асілак, адважны чалавек. Хасан пераказаў песню пра возера Джунган, магутнага батыра Касыма і прыгажуню Алію. Даніленка.

батыска́ф, ‑а, м.

Самаходны апарат для глыбакаводных даследаванняў.

[Грэч. bathýs — глыбокі, skáphos — судна.]

баты́ст, ‑у, М ‑спе, м.

Тонкая паўпразрыстая тканіна з ільняной або баваўнянай пражы.

[Фр. batiste.]

баты́ставы, ‑ая, ‑ае.

Які мае адносіны да батысту. Батыставая тканіна. // Зроблены з батысту. Батыставая кофтачка.

батысфе́ра, ‑ы, ж.

Стальная камера сферычнай формы, пры дапамозе якой вывучаецца падводная расліннасць і жывёльны свет.

[Грэч. bathýs — глыбокі, spháira — шар.]

батэрфляі́ст, ‑а, М ‑сце, м.

Спартсмен, які плавае стылем батэрфляй.

батэрфля́й, ‑ю, м.

Адзін са спосабаў спартыўнага плавання, пры якім грабок робіцца ў вертыкальнай плоскасці і абедзве рукі адначасова выносяцца на паверхню вады.

[Ад англ. butterfly — матылёк.]

бау́л, ‑а, м.

Падарожны куфэрак; скрынка круглаватай формы. З дняпроўскай прыстані прыкаціў у вёску старэнькі сіненькі «Масквічок», і шафёр доўга выносіў з яго розныя сумкі, баулы і тэрмасы. Ракітны.

[Іт. baule.]