Verbum

пяцідзёнка, ‑і, ДМ ‑нцы; Р мн. ‑нак; ж.

Разм. Прамежак часу ў пяць дзён. Была ахвота гаварыць і пра тое, колькі і чаго пасеялі.. [калгаснікі] за мінулую пяцідзёнку, і пра спаборніцтва брыгад на веснавой сяўбе, і пра ўсё тое, што робіцца ў калгасе цяпер. Савіцкі.

пяцідзённы, ‑ая, ‑ае.

Які працягваецца пяць дзён. Пяцідзённы адпачынак. Пяцідзённы паход. // Разлічаны на пяць дзён. Пяцідзённае заданне.

пяцізара́дны, ‑ая, ‑ае.

Які мае ўстройства для пяці зарадаў. Пяцізарадная вінтоўка.

пяцізна́чны, ‑ая, ‑ае.

Які складаецца з пяці знакаў дзесятковай сістэмы лічэння. Пяцізначны лік.

пяціканто́вік, ‑а, м.

Разм. Тое, што і пяціграннік.

пяціканто́вы, ‑ая, ‑ае.

Разм. Тое, што і пяцігранны.

пяціканцо́вы, ‑ая, ‑ае.

Які мае пяць канцоў, вуглоў. Пяціканцовая зорка.

пяцікапе́ечны, ‑ая, ‑ае.

1. Вартасцю ў пяць капеек. Пяцікапеечная манета.

2. Коштам у пяць капеек. Пяцікапеечная булачка.

пяцікла́снік, ‑а, м.

Вучань пятага класа.

пяцікла́сніца, ‑ы, ж.

Жан. да пяцікласнік.