Verbum

бар’е́рны, ‑ая, ‑ае.

Які мае адносіны да бар’ера (у 1, 2 знач.). Бар’ерны бег.

ба́ржа, ‑ы; Р мн. барж; ж.

Вялікае пласкадоннае судна для перавозкі грузаў. На якарах, чакаючы разгрузкі, стаялі дзесяткі нізка аселых барж. Карпаў. Па Бярэзінскай [воднай] сістэме перавозіліся ў баржах і лодках збожжа, соль, крупы. В. Вольскі.

[Фр. barge.]

ба́ржавы, ‑ая, ‑ае.

Які мае адносіны да баржы. Баржавы караван.

баржо́м, ‑у, м.

Лекавая мінеральная вада, якая атрымала назву ад горада Баржомі, дзе знаходзяцца крыніцы гэтай вады.

баржо́мны, ‑ая, ‑ае.

Які мае адносіны да баржому. Баржомныя крыніцы.

барк, ‑а, м.

Вялікае марское паруснае судна.

ба́рка, ‑і, ДМ ‑рцы; Р мн. ‑рак; ж.

Драўлянае пласкадоннае несамаходнае рачное судна без палубы для перавозкі грузаў. Цяжка берагам ракі баркі весці. Бурлакі босыя, счарнелі. Вялюгін.

барка́н, ‑у. м.

Тоўстая шарсцяная тканіна для абіўкі мэблі.

барка́навы, ‑ая, ‑ае.

Які мае адносіны да баркану. Барканавая абіўка.

баркаро́ла, ‑ы, ж.

Павольная лірычная песня венецыянскіх лодачнікаў. // Інструментальны і вакальны твор у стылі такой песні.

[Іт. barcarola.]