Verbum

эстэтычны, ✂.

1. гл. эстэтыка.

2. Прыгожы, звязаны з успрыманнем прыгожага ў жыцці і ў мастацтве.

   • Эстэтычнае задавальненне.
   • Э. густ.

|| наз. эстэтычнасць, ✂.

эстэцтва, ✂, н. (кніжн.).

Паводзіны і спосаб дзеянняў эстэта (у 1 знач.), захапленне эстэтызмам (у 1 знач.).

эсэ, нескл., н. (кніжн.).

Празаічны нарыс невялікага аб’ёму і вольнай кампазіцыі на прыватную тэму, якая трактуецца суб’ектыўна і няпоўна.

• Філасофскае э.

|| прым. эсэістычны, ✂.

эсэіст, ✂, м. (кніжн.).

Той, хто піша эсэ.

|| ж. эсэістка, ✂.

эсэр, ✂, м.

Тое, што і сацыяліст-рэвалюцыянер (скарачэнне).

|| ж. эсэрка, ✂.

|| прым. эсэраўскі, ✂.

эсэсавец, ✂, м.

У фашысцкай Германіі: ваеннаслужачы нямецкіх фашысцкіх ахоўных атрадаў ці спецыяльных часцей СС.

|| ж. эсэсаўка, ✂.

|| прым. эсэсаўскі, ✂.

этажэрка, ✂, ж.

1. Прадмет мэблі ў выглядзе некалькіх паліц, размешчаных адна над адной на стойках.

2. перан. Невялікі самалёт простай канструкцыі з дзвюма плоскасцямі, размешчанымі адна над другой (разм.).

   • Лятаць на этажэрцы.

|| прым. этажэрачны, ✂.

эталогія, ✂, ж.

Навука аб паводзінах жывёл у натуральных умовах.

|| прым. эталагічны, ✂.

эталон, ✂, м.

1. Дакладны ўзор устаноўленай адзінкі вымярэння, сама такая дакладная мера.

2. перан. Узор, стандарт для параўнання з чым-н. (кніжн.).

   • Быць эталонам для каго-н.

|| прым. эталонны, ✂.

этап, ✂, м.

1. Асобны момант, стадыя якога-н. працэсу.

   • Новы э. развіцця.
   • Новы э. будаўніцтва горада.

2. Пункт на шляху руху войск, дзе ваеннаслужачыя забяспечваюцца харчамі, фуражом, начлегам.

3. Пункт для начлегу на шляху партый арыштантаў, а таксама шлях іх руху да месца ссылкі і сама група, партыя арыштантаў.

4. Асобная частка шляху, а таксама (спец.) пэўны адрэзак дыстанцыі ў спартыўных спаборніцтвах.

   • Этапы велагонкі.

◊

• Па этапу або этапам — пад канвоем (пра спосаб перасылкі арыштантаў).

• Пройдзены этап — пра тое, што зроблена, засталося ззаду.

|| прым. этапны, ✂.