Verbum

іканагра́фія

(гр. eikonographia, ад eikon = выява, вобраз + grapho = пішу)

1) вывучэнне і апісанне мастацкіх палотнаў, прысвечаных якой-н. тэме або асобе;

2) сукупнасць мастацкіх палотнаў на адну тэму, сюжэт.

іканаста́с

(ад гр. eikon = выява, вобраз + stasis = стаянне)

упрыгожаная абразамі сценка ў праваслаўнай царкве, якая аддзяляе алтар.

іканатэ́ка

(ад гр. eikon = выява, вобраз + theke = сховішча)

калекцыя, збор малюнкаў па пэўнай тэматыцы.

ікеба́на

(яп. ikebana)

майстэрства складаць з кветак, раслін букеты, мастацкія кампазіцыі, часам з сімвалічным значэннем, а таксама сам такі букет, кампазіцыя.