Verbum

ке́глі

(ням. Kegel = літар. конус)

1) гульня, якая заключаецца ў збіванні шарам драўляных або пластмасавых слупкоў, расстаўлены́х на спецыяльным памосце;

2) драўляныя або пластмасавыя слупкі (кеглі) для гэтай гульні.

ке́ды

(англ. Kads = уласная імя)

лёгкі спартыўны абутак з прарызіненай тканіны на мяккіх рабрыстых гумавых падэшвах (параўн. буцы).

кейс

(англ. case)

плоскі чамаданчык для нашэння дакументаў..

кекс

(англ. cakes = пірожныя)

кандытарскі выраб са здобнага цеста з разынкамі або карынкай.

ке́льнер

(ням. Kellner)

афіцыянт рэстарана, піўной, кавярні ў заходнееўрапейскіх краінах.

ке́пмінг

(англ. camping)

спецыяльна абсталяваны лагер для аўтатурыстаў.

кера́міка

[гр. keramike (techne) = ганчарнае майстэрства]

1) вырабы з абпаленай гліны (напр. мастацкая к.);

2) ганчарная вытворчасць.

кетч

(англ. catch = лавіць)

прафесійная спартыўная барацьба, у якой дазволены любыя сілавыя прыёмы.

ке́тчуп

(англ. ketchup)

востры таматны соус са спецыямі.