Verbum

купю́ра

(фр. coupure)

1) скарачэнне, пропуск у літаратурным або музычным творы;

2) каштоўная папера, грашовы знак (напр. сторублёвая к.).

кура́тар

(лац. curator = апякун)

асоба, якой даручана кіраўніцтва, нагляд за кім-н., чым-н. (напр. к. групы).

кур’ёз

(фр. curieux, ад лац. curiosum = цікавая рэч)

незвычайны, недарэчны выпадак, смешнае здарэнне.

курсо́р

(англ. cursos, ад лац. cursorius = які хутка бяжыць)

інф. рухомы знак на экране дысплея камп’ютэра, які ўказвае месца работы карыстальніка.

курта́ж

(фр. courtage)

камісійны працэнт маклеру або іншым пасрэднікам у камерцыйных здзелках.

куцюр’е́

(фр. couturier = кравец)

мадэльер адзення, якое адпавядае патрабаванням сучаснай моды.

куш

(фр. couche = стаўка ў гульні)

вялікая сума грошай; вялікі хабар (напр. сарваць добры к.).

кэш

(англ. cache)

памяць ЭВМ, прызначаная для захоўвання прамежкавых вынікаў, а таксама часта ўжывальных дадзеных і каманд.