Verbum

прэм’е́р

(фр. premier = першы)

1) тое, што і прэм’ер-міністр;

2) акцёр, які выконвае першыя, галоўныя ролі.

прэм’е́ра

(фр. première = літар. першая)

першы паказ спектакля, фільма і г. д.

прэм’е́р-міійстр

(фр. premier ministre)

кіраўнік урада, кабінета міністраў.

прэ́мія

(лац. praemium = узнагарода)

грашовае або іншае матэрыяльнае заахвочванне як узнагарода за што-н.

прэпара́т

(лац. praeparatus = прыгатаваны)

1) частка жывёльнага ці расліннага арганізма, прыгатаваная для даследавання;

2) прадукт лабараторнага або фабрычнага вырабу лячэбнага ці іншага прызначэння (напр. хімічны п., медыцынскі п.).

прэрагаты́ва

(лац. praerogativa)

выключнае права, якое належыць пэўнаму дзяржаўнаму органу або адказнай асобе (напр. п. ўлады, п. прэзідэнта).

прэ́са

(фр. presse)

1) перыядычны друк (газеты, часопісы і інш.);

2) работнікі перыядычных выданняў.

прэ́сінг

(англ. pressing, ад press = ціснуць)

1) актыўная абарона ў спартыўных гульнях (футболе, баскетболе, хакеі), якая абмяжоўвае дзеянні саперніка;

2) перан. ціск (псіхалагічны, эканамічны, палітычны) на каго-н.

прэсты́ж

(фр. prestige, ад лац. praestigium = ашуканства)

аўтарытэт, уплыў, якім карыстаецца хто-н., што-н. (напр. п. кіраўніка, падтрымліваць свой п.).

прэс-аташэ́

(фр. presse-attaché)

супрацоўнік дыпламатычнага прадстаўніцтва (пасольства, місіі і інш.) па пытаннях друку і інфармацыі.