прасмо́лка, ‑і, ДМ ‑лцы, ж.
Дзеянне паводле знач. дзеясл. прасмольваць — прасмаліць 1 і стан паводле знач. дзеясл. прасмольвацца — прасмаліцца.
прасмо́львацца, ‑аецца; незак.
1. Незак. да прасмаліцца.
2. Зал. да прасмольваць.
прасмо́льваць, ‑аю, ‑аеш, ‑ае.
Незак. да прасмаліць 1.
прасмуро́дзіць, ‑джу, ‑дзіш, ‑дзіць; зак., што.
Разм. Напоўніць, насыціць непрыемным пахам, смуродам. Прасмуродзіць хату дымам.
прасмуткава́ць, ‑кую, ‑куеш, ‑куе; зак.
Смуткаваць некаторы час. Прасмуткаваць увесь дзень.
прасмярдзе́лы, ‑ая, ‑ае.
Разм. Насычаны непрыемным пахам. Я ўлез у цёмную прасмярдзелую бензінам сярэдзіну кузава, намацаў лаўку і сеў за нерухомай спіной шафёра. Быкаў.
прасмярдзе́ць, ‑джу, ‑дзіш, ‑дзіць; зак.
Разм. Насыціцца непрыемным пахам, стаць смярдзючым. Усё, здаецца,.. прасмярдзела [дымам]. Быкаў.
прасмяя́ць, ‑смяю, ‑смяеш, ‑смяе; ‑смяём, ‑смеяце; зак., каго-што.
Учыніць насмешку над кім‑, чым‑н.; абсмяяць. Майго сына .. прасмяялі, нейкія кепікі строяць. Дубоўка.
праснава́ты, ‑ая, ‑ае.
Злёгку прэсны. Прыемны праснаваты пах плыве ад залацістых пластоў ільнасемя. Бялевіч.
прасна́к, ‑а, м.
Тоўсты блін з прэснага цеста. Не прайшло і дзесяці хвілін, як на стале ўжо сквірчэла яешня, а ў місцы ляжалі свежыя агуркі і праснакі, якія Рыма сама пякла замест хлеба. Васілеўская. Маці цеста тады учыніла з вадой, праснакоў нарабіла з чаромхай лясной. Дубоўка.