Verbum

чвэртка, ✂, ж.

Тое, што і чвэрць.

|| прым. чвэрткавы, ✂.

чвэрць, ✂, ж.

1. Чацвёртая частка цэлага.

   • Ч. года.

2. Адзін з чатырох перыядаў, на якія ўмоўна падзяляецца навучальны год у школе.

   • Усе вучні паспяхова закончылі першую ч.

3. Даўняя мера сыпкіх рэчываў, роўная 8 чацверыкам (каля 210 л.).

   • Дзве чвэрці аўса.

4. Даўняя мера аб’ёму вадкасці, роўная чацвёртай частцы вядра (каля 3 л.), якой карысталіся да ўвядзення метрычнай сістэмы, а таксама пасудзіна ёмістасцю ў тры літры.

5. Старая мера даўжыні, роўная чацвёртай частцы аршына, што існавала да ўвядзення метрычнай сістэмы.

6. Старая мера зямельнай плошчы, роўная О,5 дзесяціны.

7. Нота працягласцю ў адну чацвёртую частку цэлай ноты (спец.).

8. Адна з чатырох фаз Месяца; вузкі серп Месяца ў першай ці апошняй фазе (спец.).

9. Паз прамавугольнага сячэння па канту дошкі для змацавання яе з другой дошкай (спец.).

◊

• Тры чвэрці да смерці (разм. жарт.) — пра слабага, хворага чалавека, якому мала засталося жыць.

|| прым. чвэрцевы, ✂.

чвэрцьфінал, ✂, м.

У спартыўных спаборніцтвах: гульня на першынство, якая папярэднічае паўфіналу.

|| прым. чвэрцьфінальны, ✂.

чвэрцьфіналіст, ✂, м.

У спартыўных спаборніцтвах: непасрэдны ўдзельнік чвэрцьфіналу.

|| ж. чвэрцьфіналістка, ✂.