Verbum

брасі́ст, ✂, м.

Спартсмен, які плавае брасам.

|| ж. брасістка, ✂.

|| прым. брасісцкі, ✂.

брат, ✂, м.

1. Сын у адносінах да другіх дзяцей гэтых жа бацькоў.

   • Родны б.
   • Стрыечны б.

2. Усякі чалавек, якога яднае з тым, хто гаворыць, агульнасць радзімы, класавых інтарэсаў, становішча, умоў (высок.).

   • Браты па зброі.

3. Форма сяброўскага звароту да мужчыны (разм.).

4. Член рэлігійнай секты, абшчыны; манах (звычайна ў звароце).

◊

• Ваш брат (разм.) — вы і на вас падобныя.

• На брата (разм.) — на кожнага.

• Свой брат (разм.) — пра чалавека аднолькавага стану, становішча.

|| памянш.-ласк. брацік, ✂ і браток, ✂.

|| прым. братні, ✂ і брацкі, ✂.

бра́тавая, ✂, ж.

Жонка брата.

братазабо́йства, ✂, н.

Забойства свайго брата, братоў (у 1 і 2 знач.).

братазабо́йца, ✂, м.; ✂, ж..

Забойца свайго брата.

братазабо́йчы, ✂.

Які мае адносіны да братазабойства.

• Братазабойчая вайна.

бра́тацца, ✂; незак.

1. Уступаць у цесныя сяброўскія адносіны, праяўляць братнія пачуцці.

2. Спыняць ваенныя дзеянні, выказваючы ўзаемныя братнія пачуцці, салідарнасць.

|| зак. пабратацца, ✂.

|| наз. братанне, ✂.

братва́, ✂, ж., зб. (разм.).

Таварышы, сябры.

бра́ткі, ✂, ж.

Расліна сямейства фіялкавых з фіялетавымі або белымі ці рознакаляровымі кветкамі.

• Букет братак.

|| прым. браткавы, ✂.

братэ́рства, ✂, н.

Братні саюз, братняя дружба.

• Б. народаў.
• Баявое б.