Verbum

бамбардзірава́ць, ✂; незак.

1. Абстрэльваць з гармат або скідваць з самалёта бомбы на каго-, што-н.

   • Б. праціўніка.

2. перан. Настойліва турбаваць каго-н. лістамі, просьбамі і інш. (разм.).

   • Б. пісьмамі.

|| наз. бамбардзіроўка, ✂.

|| прым. бамбардзіровачны, ✂.

бамбардзіро́ўшчык, ✂, м.

1. Бамбардзіровачны самалёт.

2. Лётчык бамбардзіровачнай авіяцыі.

бамбасхо́вішча, ✂, н.

Спецыяльнае ўкрыцце, якое забяспечвае ахову людзей ад авіябомбаў.

бамбі́ць, ✂; незак.

Атакаваць з паветра, скідваючы бомбы.

|| наз. бамбёжка, ✂.

• Трапіць пад бамбёжку.

бамбу́к, ✂, м.

Трапічная і субтрапічная расліна з высокім цвёрдым, дрывяністым, пустым усярэдзіне сцяблом.

|| прым. бамбукавы, ✂.

• Бамбукавыя зараснікі.

бана́льнасць, ✂, ж.

1. гл. банальны.

2. Банальная думка, выраз.

   • Гаварыць банальнасці.

бана́льны, ✂.

Шаблонны, які страціў арыгінальнасць у сувязі з частым ужываннем.

• Банальныя параўнанні.

|| наз. банальнасць, ✂.

бана́н, ✂, м.

Пальмападобная трапічная расліна, а таксама яе мучністы салодкі плод.

• Збор бананаў.

|| прым. бананавы, ✂.

• Бананавыя плантацыі.

ба́нда, ✂, ж.

Група разбойнікаў, злачынцаў; шайка.

• Узброеная б.
• Контррэвалюцыйная б.

банда́ж, ✂, м.

1. Спецыяльны пругкі пояс для падтрымання асобных частак цела ў патрэбным становішчы.

2. Металічны вобад, які надзяваецца на часткі машын, на колы паравозаў, каб забяспечыць іх устойлівасць і засцерагчы ад зносу (спец.).

|| прым. бандажны, ✂.