Verbum

фінка, ✂, ж.

1. Нож з тоўстым кароткім лязом, так званы фінскі нож (разм.).

2. Круглая шапка з футравым адкладным аколышкам.

3. Невялікі конь паўночнай пароды.

фінт, ✂, м.

У спорце: падманны рух, фальшывы выпад.

фінціклюшка, ✂, ж. (разм.).

1. Цацка, забаўка, таннае ўпрыгожанне.

   • Уставіць пакой усякімі фінціклюшкамі.

2. звычайна мн. Несур’ёзныя, пустыя ўчынкі, словы.

   • Усё гэта далёкія ад справы фінціклюшкі.

3. Пра пустую, легкадумную жанчыну, якая толькі і думае пра шыкоўнае ўбранне.

фінціць, ✂; незак. (разм.).

Хітрыць, выкручвацца, весці сябе ненатуральна.

фіны, ✂, м.

Народ заходняй часткі фіна-угорскай моўнай групы, які складае асноўнае насельніцтва Фінляндыі.

|| ж. фінка, ✂.

|| прым. фінскі, ✂.

фіранка, ✂, ж.

Заслона з тонкага матэрыялу або з карунак на вокны, дзверы і пад.

|| прым. фіраначны, ✂.

• Фіраначная тканіна.

фірма, ✂, ж.

1. Гандлёвае ці прамысловае прадпрыемства, вытворчае аб’яднанне.

   • Замежная ф.

2. перан. Знешні выгляд, прыкрыцце чаго-н.

   • Пад фірмай добразычлівасці.

|| прым. фірменны, ✂.

фірменны, ✂.

1. гл. фірма.

2. Які мае непасрэдныя адносіны да той ці іншай прамысловай галіны ці прадпрыемства.

   • Ф. магазін.

фірн, ✂, м. (спец.).

Буйназярністы снег, які ўтвараецца ў гарах у выніку частага вымярзання і адтайвання.

|| прым. фірнавы, ✂.

фісгармонія, ✂, ж.

Клавішны духавы музычны інструмент з мяхамі.