Verbum

ро́бат

(чэш. robot)

аўтамат, які выконвае складаныя дзеянні, падобныя да дзеянняў чалавека.

рок

(англ. rock = гайдацца)

1) тое, што і рок-музыка; 2) тое, што і рок-н-рол.

ро́кер

(англ. rocker, ад англ. rock = гайдацца)

1) выканаўца рок-музыкі; 2) член маладзёжнай групы, якая наладжвае начныя гонкі на матацыклах у абавязкова чорных скураных куртках.

рок-му́зыка

(англ. rock-music)

напрамак эстраднай музыкі, якая выконваецца на электрамузычных інструментах і ў аснове якой ляжыць выразны басовы рытм.

рок-н-ро́л

(англ. rock’n’roll, ад rock and roll = літар. трасіся і пагойдвайся)

парны танец амерыканскага паходжання, для якога характэрны харэаграфічныя падтрымкі, разнастайныя імправізацыі, а таксама музыка да гэтага танца.

ро́лер

(англ. roller)

аматар катання на ролікавых каньках.

ро́лінг

(англ. rolling)

сп. катанне на спецыяльнай дошцы на роліках.

ро́ўмінг

(англ. roaming)

пашырэнне прасторы дзеяння мабільнай сувязі.