Verbum

га́ла́-канцэ́рт

(ад фр. gala = урачыстасць + іт. concerto = канцэрт)

вялікі святочны канцэрт.

галго́фа

(гр. Golgotha = узгорак паблізу Іерусаліма, дзе, паводле біблейскіх паданняў, праводзілася пакаранне і дзе быў распяты Хрыстос)

перан. месца пакарання, сімвал падзвіжніцтва і маральных пакут.

галеры́ст

(ад фр. galerie = галерэя)

прадпрымальнік, які экспануе і прадае творы мастацтва ў галерэі 4.

галерэ́я

(фр. galerie)

1) вузкі крыты праход, які злучае часткі будынка, а таксама доўгі балкон уздоўж сцяны дома;

2) падземны ход у ваенных збудаваннях або шахтах;

3) верхні ярус у тэатры, цырку;

4) спецыяльна прыстасаванае памяшканне для выстаўкі твораў мастацтва (напр. карцінная г.);

5) перан. рад, шэраг (напр. г. літаратурных вобразаў).

гале́та

(фр. galette)

прэснае пячэнне звычайна слаістай структуры, якое здольна замяняць хлеб і доўга захоўваць свае якасці; выкарыстоўваецца ў паходных умовах.

галкі́пер

(англ. goalkeeper, ад goal = гол + keeper = стораж)

варатар у футболе, хакеі, рэгбі, ватэрпола.

гало́н

(англ. gallon)

мера ёмістасці вадкіх і сыпкіх рэчываў у Англіі, ЗША і некаторых іншых краінах, роўная 1/8 бушаля.

галу́н

(фр. gallon)

тое, што і пазумент.

гальваніза́цыя

(фр. galvanisation, ад іт. I. Galvani = прозвішча італьянскага фізіка)

выкарыстанне пастаяннага электрычнага току для медыцынскіх або тэхнічных мэт.

га́льштук

(ням. Halstuch, ад Hals = шыя + Tuch = хустка)

прадмет убору ў выглядзе палоскі тканіны, якая завязваецца пад каўняром сарочкі вузлом або бантам.