Verbum

фуро́р

(лац. furor = апантанасць)

шумны публічны поспех (напр. выклікаць ф.).

фуршэ́т

(фр. fourchette)

банкет, дзе госці ядуць і п’юць, стоячы ля сталоў, і дзе падаюць, як правіла, халодныя парцыйныя закускі, якія можна есці без нажа і лыжкі, захопліваючы відэльцам.

фу́рыя

(лац. Furia = імя кожнай з трох багінь помсты ў старажытнарымскай міфалогіі)

перан. злосная, сварлівая жанчына.

футбо́л

(англ. football, ад foot = ступня + ball = мяч)

спартыўная камандная гульня з мячом на спецыяльнай пляцоўцы (полі) з варотамі, у якой кожная з каманд імкнецца ўдарамі ног (ці галавы) забіць мяч у вароты праціўніка.

футурало́гія

(ад лац. futurum = будучыня + гр. logos = вучэнне)

галіна навуковых ведаў, якая займаецца прагназіраваннем сацыяльных працэсаў.

фу́тынг

(англ. footing, ад foot = ісці пешшу)

трэніровачны або аздараўленчы бег у хуткім тэмпе; хуткая хадзьба.

фэйс-кантро́ль

(англ. face control, ад face = твар + фр. contrôle = кантроль)

праверка адпаведнасці знешняга выгляду правілам і ўстанаўленням для наведвальнікаў рэстаранаў, начных клубаў.

фэн

(англ. fan)

тое, што і фанат 1.

фэ́нтэзі

(англ. fantasy)

жанр літаратуры і мастацтва, блізкі да навуковай фантастыкі, які ў больш свабоднай манеры выкарыстоўвае матывы перамяшчэння ў прасторы і часе, тэмы іншапланетных светаў, штучных арганізмаў, міфалогію старажытных цывілізацый.

ф’ю́чэрс

(англ. futures, ад лац. futurum = будучыня)

від біржавых аперацый па куплі-продажу з агаворкай аб пастаўках на наступны тэрмін (звычайна ад тыдня да некалькіх гадоў) па курсу на момант заключэння кантракта.