Verbum

ска́нер

(англ. scanner)

інф. устройства для аптычнага ўводу інфармацыі (тэкстаў, графікаў і інш.) у памяць камп’ютэра.

скані́раваць

(англ. scan = уважліва разглядаць)

інф. уводзіць пры дапамозе сканера інфармацыю (тэкст, графік і інш.) у памяць камп’ютэра.

ска́ут

(англ. scout = разведчык)

член скауцкай (гл. скаутызм) арганізацыі.

скауты́зм

(ад англ. scout = разведчык)

адна з форм дзіцячага і юнацкага руху, якая ўзнікла ў Англіі ў 1907 г. з мэтай выхавання моладзі ў духу патрыятызму і рэлігійнасці; у розных краінах набыла розныя формы; аб’ядноўвае байскаутаў і гёрлскаутаў.

сквош

(англ. squash)

спартыўная гульня з мячом і ракеткамі на спецыяльным корце, у якой два гульцы па чарзе адбіваюць удары мяча, які адскоквае ад сцяны.

скейтбо́рд

(англ. skateboard, ад skate = катацца + board = дошка)

сп. катанне на спецыяльнай дошцы з ролікамі.

ске́йтэр

(англ. skater)

той, хто займаецца скейтбордам.

ске́псіс

(гр. skepsis = разбор, сумненне)

сумненне, недавер да чаго-н.

ске́птык

(гр. skeptikos = які разглядае, крытыкуе)

1) прыхільнік скептыцызму 1;

2) недаверлівы чалавек, які сумняваецца ва ўсім.

скептыцы́зм

(фр. scepticisme, ад гр. skeptikos = які разглядае, крытыкуе)

1) філасофскі напрамак, які падвяргае сумненню магчымасць пазнання аб’ектыўнай рэчаіснасці (параўн. агнастыцызм);

2) крытычны недавер, крайняе сумненне ў чым-н.