Verbum

груша (ігруша)

назоўнік | жаночы род

1. Фруктовае дрэва з пладамі ў выглядзе акруглага конуса, а таксама плод гэтага дрэва.

2. Выраб, які нагадвае плод гэтага дрэва.

   • Гумавая г.

|| прыметнік: грушавы і ігрушавы.

грушападобны (ігрушападобны)

прыметнік

Які мае форму грушы.

юда (іўда)

назоўнік | мужчынскі род | пагардлівае

Здраднік (ад імені апостала Юды Іскарыёта, які, паводле евангельскай легенды, прадаў Ісуса Хрыста).

іанасфера

назоўнік | жаночы род | спецыяльны тэрмін

Верхні слой зямной атмасферы, насычаны іонамі і свабоднымі электронамі.

|| прыметнік: іанасферны.

іанізаваць

дзеяслоў | спецыяльны тэрмін | закончанае і незакончанае трыванне

Выклікаць (выклікаць) іанізацыю.

• І. газ.

іанізацыя

назоўнік | жаночы род | спецыяльны тэрмін

Утварэнне іонаў у якім-н. асяроддзі.

• І. паветра.

|| прыметнік: іанізацыйны.

ібіс

назоўнік | мужчынскі род

Даўганогая птушка атрада галянастых з доўгай загнутай дзюбай, якая жыве ў цёплых краінах, звычайна недалёка ад вады.

• Белы і.

|| прыметнік: ібісавы.

івалга

назоўнік

Лясная пеўчая птушка атрада вераб’іных з жоўтым і чорным або зеленаватым апярэннем.

• Свістала і. ў кустах.

|| прыметнік: івалгавы.

івасі

назоўнік | жаночы род | нескланяльнае

Невялікая прамысловая рыба сямейства селядцовых; ціхаакіянская сардзіна.

|| прыметнік: івасёвы.

• Івасёвая пуціна.

ігласкурыя

назоўнік | ніякі род

Марскія беспазваночныя жывёлы з шыпамі або іголкамі на вапнавай паверхні шкілета.