Verbum

збожжаправо́д, ‑а, М ‑дзе, м.

Прыстасаванне для падачы збожжа.

збожжапрыёмны, ‑ая, ‑ае.

Звязаны з прыёмам збожжа (па дзяржаўных пастаўках). Збожжапрыёмны пункт.

збожжапу́льт, ‑а, М ‑льце, м.

Машына для ачысткі і сартавання, а таксама для перагрузкі і сушкі збожжа.

збожжасто́й, ‑ю, м.

Расліннае покрыва збожжавых палёў да ўборкі. Густы збожжастой.

збожжасхо́вішча, ‑а, н.

Памяшканне для захоўвання збожжа. Пабудаваць збожжасховішча.

збожжаўбо́рачны, ‑ая, ‑ае.

Які мае адносіны да збожжаўборкі. Збожжаўборачныя работы. Збожжаўборачная пара. // Які прызначаецца для збожжаўборкі. Збожжаўборачны камбайн.

збожжаўбо́рка, ‑і, ДМ ‑рцы, ж.

Уборка збожжа. Падрыхтоўка да збожжаўборкі. Закончыць збожжаўборку.

збожжафура́ж, ‑у, м.

Збожжа і фураж як прадметы сельскагаспадарчых нарыхтовак.

збожжафура́жны, ‑ая, ‑ае.

Які мае адносіны да збожжафуражу.

збой, ‑ю, м.

1. Вялікая колькасць каго‑, чаго‑н., цесна сабранага, збітага ў адным месцы. І ў гэткім шуме можна парою нічога не чуць, і ў гэткім збоі людзей можна часамі быць адзінокім. Брыль.

2. Перабой у руху, рабоце, дзеянні. [Становішча] вось-вось пяройдзе за тую мяжу, калі замінка дзе-небудзь у адным месцы імгненна выкліча збоі ў іншых месцах. Васілёнак.

3. Спец. Галава, ногі і ўнутранасці забітай на мяса жывёлы.