Verbum

нігілі́сцкі, ‑ая, ‑ае.

Які мае адносіны да нігіліста; уласцівы нігілісту.

нігразі́н, ‑у, м.

Штучная арганічная фарба чорна-сіняга колеру, якая прымяняецца для фарбавання скуры і для вырабу лакаў.

[Ад лац. niger — чорны.]

нігро́л, ‑у, м.

Сорт змазачнага масла для аўтамабільных, трактарных і іншых рухавікоў, прадукт перапрацоўкі нафты.

[Ад лац. niger — чорны.]

нідзе́, прысл.

Няма ні ў якім месцы. — Што ж гэта вас не відаць нідзе? — прамовіла .. [Ядвіся]. Колас. Дзень ідзе, другі ідзе, Не відаць гары нідзе. Крапіва. Раніца была сухая. Нідзе ні расінкі: ні на траве, ні на лісці. Чарнышэвіч.

нідэрла́ндзец,

гл. нідэрландцы.

нідэрла́ндка,

гл. нідэрландцы.

нідэрла́ндскі, ‑ая, ‑ае.

Які мае адносіны да нідэрландцаў, да Нідэрландаў. Нідэрландскае мастацтва.

нідэрла́ндцы, ‑аў; адз. нідэрландзец, ‑дца, м.; нідэрландка, ‑і, ДМ ‑дцы; мн. нідэрландкі, ‑дак; ж.

Народ, які складае асноўнае насельніцтва Нідэрландаў (Галандыі); галандцы.

ні́жай, прысл.

Тое, што і ніжэй (у 1, 3 знач.).

ніжне... (а таксама ніжня...).

Першая састаўная частка складаных слоў са значэннем: які размяшчаецца або ўзнікае ў ніжняй частцы чаго‑н., напрыклад: ніжнеамурскі, ніжнегрудны.