Verbum

агралесамеліярацы́йны, ‑ая, ‑ае.

Звязаны з агралесамеліярацыяй. Агралесамеліярацыйныя мерапрыемствы.

агралесамеліяра́цыя, ‑і, ж.

Лесаводчыя мерапрыемствы, накіраваныя на паляпшэнне кліматычных і глебавых умоў для атрымання высокіх ураджаяў.

аграма́да, ‑ы, М ‑дзе, ж.

Што‑н. велізарнае, агромністае; глыба, гмах; аграмадзіна. Аграмады гор. Белая аграмада Эльбруса. Каменныя аграмады пірамід. □ Як змрочныя здані, з пустымі вачамі Стаялі муроў аграмады, Трывожнымі днямі, даўгімі начамі Не ціхла вакол кананада. Хведаровіч.

аграма́джанне, ‑я, н.

Кніжн. Дзеянне паводле знач. дзеясл. аграмадзіць і стан паводле знач. дзеясл. аграмаджвацца — аграмадзіцца.

аграма́джаны, ‑ая, ‑ае.

1. Кніжн. Дзеепрым. зал. пр. ад аграмадзіць.

2. у знач. прым. У якім індывідуальныя, прыватныя сродкі вытворчасці ператвораны ў калектыўна-грамадскія.

аграма́джванне, ‑я, н.

Кніжн. Дзеянне паводле знач. дзеясл. аграмаджваць — аграмадзіць.

аграма́джвацца, ‑аецца; незак.

Кніжн.

1. Незак. да аграмадзіцца.

2. Зал. да аграмаджваць.

аграма́джваць, ‑аю, ‑аеш, ‑ае.

Кніжн. Незак. да аграмадзіць.

аграма́дзіна, ‑ы, ж.

Прадмет вельмі вялікіх памераў. Цагляная аграмадзіна ў чатыры паверхі высілася насупраць гарадскога парка. Бядуля. Скалануўшыся ўсёй сваёй аграмадзінай, параход з палёгкай выныраў, задзіраючы мокры нос аж пад самыя хмары. Лынькоў.

аграма́дзіцца, ‑дзіцца; зак.

Ператварыцца з індывідуальнага, прыватнага ў калектыўна-грамадскае (пра сродкі вытворчасці, гаспадарчыя аб’екты і пад.).