прымярко́ўвацца, ‑аюся, ‑аешся, ‑аецца; незак.
1. Незак. да прымеркавацца.
2. Зал. да прымяркоўваць (гл. прымеркаваць у 1 знач.).
прымярко́ўваць, ‑аю, ‑аеш, ‑ае.
Незак. да прымеркаваць.
прымясі́ць, ‑мяшу, ‑месіш, ‑месіць; зак., што і чаго.
Месячы, дадаць. Прымясіць мукі ў цеста.
прымята́цца, ‑аецца; незак.
Зал. да прымятаць.
прымята́ць, ‑аю, ‑аеш, ‑ае.
Незак. да прынесці.
прымя́ты, ‑ая, ‑ае.
1. Дзеепрым. зал. пр. ад прымяць.
2. у знач. прым. Які прымялі; трохі змяты. На тым месцы, дзе .. [Ніна] ляжала, цяпер застаўся след прымятай травы ды кусток спелых расціснутых суніц. Мележ.
прымя́цца, ‑мнецца; зак.
Стаць трохі памятым, прыціснуцца. Сена прымялася пад нагамі. □ Кусцік зялёнай травы прымяўся пад .. [Насцінай] мілай, слаўнай галавой. Чорны.
прымя́ць, ‑мну, ‑мнеш, ‑мне; ‑мнём, ‑мняце; зак., што.
Прыціснуўшы, змяць трохі. Каця ступіла ў равок, вінтоўкай прымяла некалькі сцяблін, каб не заміналі. Хомчанка. Нарэшце [хлопец] напаў на цэлую [папяросу], прымяў яе, узяў у зубы і накіраваўся да Мішы прыкурыць. Карпюк.
прымяча́ць, ‑аю, ‑аеш, ‑ае.
Незак. да прымеціць.
прымяша́цца, ‑аецца; зак.
Дадацца, далучыцца. У хуткім часе да чыстых творчых імкненняў прымяшалася і матэрыяльная зацікаўленасць. Зарэцкі. Сумненні апошніх дзён нахлынулі на Максіма Сцяпанавіча, і да сораму прымяшалася крыўда на сябе. Карпаў.