прако́пванне, ‑я, н.
Дзеянне паводле знач. дзеясл. пракопваць — пракапаць і пракопвацца — пракапацца.
прако́пвацца, ‑аюся, ‑аешся, ‑аецца; незак.
1. Незак. да пракапацца (у 1 знач.).
2. Зал. да пракопваць.
прако́пваць, ‑аю, ‑аеш, ‑ае.
Незак. да пракапаць (у 1–3 знач.).
прако́пка, ‑і, ДМ ‑пцы, ж.
Дзеянне паводле дзеясл. пракопваць — пракапаць (у 1–3 знач.).
прако́рм, ‑у, м.
Дзеянне паводле знач. дзеясл. пракормліваць — пракарміць (у 1 знач.) і пракормлівацца — пракарміцца.
прако́рмлены, ‑ая, ‑ае.
Дзеепрым. зал. пр. ад пракарміць.
прако́рмлівацца, ‑аюся, ‑аешся, ‑аецца; незак.
1. Незак. да пракарміцца.
2. Зал. да пракормліваць.
прако́рмліваць, ‑аю, ‑аеш, ‑ае.
Незак. да пракарміць (у 1 знач.).
прако́рпацца, ‑аюся, ‑аешся, ‑аецца і пракарпа́цца, ‑аюся, ‑аешся, ‑аецца; зак.
Разм. Корпацца (карпацца) некаторы час. Пракорпацца ў агародзе цэлы дзень.
прако́с, ‑а, м.
1. Пракошаная паласа шырынёй у адзін узмах касы, адзін захват касілкі. Мажны і высокі, як дуб, сівы, як выбелены лён,.. [дзед Ахрэм] лёгка махаў касой, пракладаў у высокай траве роўную, гладкую сцяжынку — пракос. Асіпенка. Цімох памянташыў касу і заняў новы пракос. Капыловіч.
2. Доўгая града скошанай травы. Трава лёгка паддавалася і пакорна лажылася ў роўныя пракосы. Колас. [Надзя:] Копы я кончыла растрасаць і пракосы ўсе за Лявонам разбіла, — што цяпер рабіць? Козел.