Verbum

пазводзіць, ✂; зак.

1. Звесці ўніз усіх, многіх.

   • П. дзяцей з ганка на двор.

2. Адвесці на другое месца ўсіх, многіх.

   • П. коней убок.

3. Пра сутаргу: раптоўна і балюча скараціць мышцы.

   • Сутарга пазводзіла ногі.

4. Звесці куды-н., злучыць, аб’яднаць у што-н. усіх, многіх.

   • П. палкі ў дывізію.

5. Знішчыць, перавесці ўсіх, многіх ці ўсё, многае.

   • П. лясы.

6. перан., каго. Збіць з правільнага шляху ўсіх, многіх.

   • Гэта такія сябры пазводзілі хлопцаў.

пазвозіць, ✂; зак.

1. Звезці ў адно месца ўсё, многае.

   • П. снапы ў гумны.

2. Забраўшы, адвезці куды-н. усё, многае або ўсіх, многіх.

   • П. каменне з палёў.

3. Везучы, перамясціць зверху ўніз усё, многае ці ўсіх, многіх.

   • П. дзяцей на санках.

4. Едучы, узяць з сабою ўсё, многае або ўсіх, многіх.

   • П. чужыя кнігі.

пазвязваць, ✂; зак.

1. Звязаць, змацаваць усё, многае.

   • П. вяроўкі.

2. Перавязаць, звязаць чым-н. усё, многае або ўсіх, многіх.

   • П. рукі бандытам.

пазганяць, ✂; зак.

1. Сагнаць, прагнаць адкуль-н. усіх, многіх.

   • П. кароў з пасеваў.

2. Сагнаць з паверхні ўсё, многае.

   • Завея пазганяла снег з дарог.

3. Сагнаць, прымусіць сысціся ў адно месца ўсіх, многіх.

   • П. коней у табун.

пазгінацца, ✂; зак.

Сагнуцца — пра ўсіх, многіх.

• Людзі пазгіналіся ад сустрэчнага ветру.

пазгінаць, ✂; зак.

Сагнуць усіх, многіх ці ўсё, многае.

• П. галіны.
• Гора не пазгінала людзей (перан.).

пазгладжваць, ✂; зак.

Згладзіць, зрабіць гладкім усё, многае.

• П. няроўнасці.

пазгортваць, ✂; зак.

1. Згарнуць усё, многае.

   • П. хусткі.

2. Зрабіць скручваннем многа чаго-н. (разм.).

   • П. папяросы.

3. Згортваючы, сабраць у адно месца ўсё, многае.

   • П. збожжа ў кучу.

пазграбаць, ✂; зак.

1. Згрэбці ў адно месца ўсё, многае.

   • П. сена ў кучкі.

2. Грабучы, скінуць адкуль-н. усё, многае.

   • П. снег з дахаў.

пазгрызаць, ✂; зак.

Згрызці ўсё, многае.

• Бабры пазгрызалі асіны.