Verbum

радэо, нескл., н.

Каўбойскія спаборніцтвы, у якія ўваходзіць утаймаванне дзікіх коней і быкоў, а таксама язда на неўтаймаваных конях і быках.

○

• Аўтамабільнае радэо (аўтарадэо) — выкананне небяспечных трукаў на аўтамабілях.

раешнік, ✂, м.

1. Тое, што і раёк (у 1 знач.).

2. Той, хто паказвае раёк (у 1 знач.).

раёк, ✂, м.

1. Даўней: скрынка з павелічальным шклом для разглядвання малюнкаў, а таксама паказ такіх малюнкаў на кірмашах, які суправаджаўся жартоўнымі тлумачэннямі; батлейка.

2. Тэатральная галёрка (разм. уст.).

|| прым. раешны, ✂.

раён, ✂, м.

1. Мясцовасць, што вылучаецца паводле якіх-н. асаблівасцей, прыкмет.

   • Вугальныя раёны.
   • Р. засухі.

2. Адміністрацыйна-тэрытарыяльныя адзінкі ўнутры краіны, вобласці або ўнутры вялікага горада.

   • Першамайскі р. горада Мінска.

3. Горад ці гарадскі пасёлак — адміністрацыйны цэнтр унутры вобласці (разм.).

   • Быў я ў раёне на нарадзе.

4. у раёне чаго. Ужыв. ў знач. прыназоўніка паблізу, каля.

   • Жыць у раёне вакзала.

5. Пра сельскую мясцовасць (разм.).

   • Бацькі жывуць на раёне.

|| прым. раённы, ✂.

• Р. цэнтр.
• Раённае начальства.

раёўня, ✂, ж.

Абцягнутая тканінай лубянка, у якую збіраюць пчаліны рой для перасадкі ў новы вулей.

ражанка, ✂, ж.

Кіслае адтопленае малако.

ражка, ✂, ж.

Драўляная пасудзіна ў выглядзе цэбрыка з ручкай для розных гаспадарчых патрэб.

|| памянш. ражачка, ✂.

|| прым. ражачны, ✂.

ражон, ✂, м. (уст.).

Востры кій.

◊

• Лезці на ражон (разм. неадабр.) — брацца за што-н. заведама рызыкоўнае.

• Якога ражна яшчэ трэба (не хапае) каму? (разм. неадабр.) — што яшчэ трэба?

ражочнік, ✂, м.

Музыкант, які іграе на розе​¹ (у 2 знач.), на ражку.

• Ансамбль ражочнікаў.

раз​¹, ✂, м.

1. Абазначэнне аднакратнага дзеяння (пры падліку, указанні на колькасць).

   • Не р. (неаднакратна).
   • Сем разоў адмерай, адзін р. адрэж (прыказка).

2. З’ява, выпадак у шэрагу аднародных дзеянняў, праяўленняў чаго-н.

   • У мінулы р.
   • Адным разам (аднойчы).
   • Р. за разам (паўтараючыся).
   • Р. на р. не прыходзіцца (не заўсёды бывае аднолькава).

3. нескл. Адзін (пры падліку).

   • Р., два, тры.
   • Р.-два і гатова (вельмі хутка; разм. жарт.).

◊

• Аднаго разу — аднойчы.

• Ва ўсякім разе — пры любых абставінах.

• Другім разам (разм.) — калі-небудзь, не цяпер.

• Другі раз (іншы раз) — часам, у некаторых выпадках.

• За раз — у адзін прыём.

• Не раз (і не два) — многа разоў.

• Ні ў якім разе — ні пры якіх умовах, ніколі.

• Па той раз — з таго часу.

• Раз за разам — зноў і зноў, бесперапынна.

• Раз (і) назаўсёды — канчаткова, беспаваротна.

• Ў самы раз (самы раз) (разм.) — якраз, у пару.

• У такім разе — у такім выпадку.

|| памянш. разок, ✂ і разік, ✂.