Verbum

мурлыкаць, ✂; незак.

1. Тое, што і муркаць.

2. перан., што і без дапаўнення. Ціха мяккім голасам напяваць (разм.).

   • М. песню.

|| наз. мурлыканне, ✂.

мурог, ✂, м.

1. Сухадольная сакавітая трава высокай кармавой якасці.

   • Авечкі прагна шчыпалі м.

2. Сена з такой травы.

   • Духмяны м.

|| прым. мурожны, ✂.

• М. пах мядункі.

мус, ✂, м.

Салодкая страва з узбітай да пены фруктовай, ягаднай, малочнай масы з маннымі крупамі або жэлацінам.

|| прым. мусавы, ✂.

мусіраваць, ✂; незак.

1. Узбіваць пену, прымушаць што-н. пеніцца.

2. Іскрыцца, пеніцца (пра напіткі) (спец.).

   • Віно мусіруе.

3. перан. Распаўсюджваць, перабольшваючы значэнне якіх-н. вестак (кніжн.).

   • М. чуткі.

мусіць, ✂; незак.

1. Быць абавязаным зрабіць што-н.

   • Я мушу прызнаць сваю памылку.

2. у форме інф., у знач. пабочн. Мабыць, напэўна, відаць.

   • Ты, м., не снедаў яшчэ.

мускат, ✂, м.

1. Араматычнае насенне мускатніку.

2. Сорт вінаграду, а таксама віно з гэтага вінаграду.

|| прым. мускатны, ✂.

• Мускатнае дрэва.

мускул, ✂, м.

Тое, што і мышца.

• Ніводзін м. не здрыгнуўся (перан. нічым не выдаў хвалявання).

|| прым. мускульны, ✂.

мускулатура, ✂, ж.

Мускулы, сукупнасць мускулаў.

• Гіра для развіцця мускулатуры.

|| прым. мускулатурны, ✂.

мускулісты, ✂.

З развітымі мускуламі.

• М. барэц.

|| наз. мускулістасць, ✂.

мускус, ✂, м.

Вельмі пахучае рэчыва, што выпрацоўваецца залозамі самца кабаргі і некаторых іншых жывёл, якое выкарыстоўваецца ў медыцыне і парфумерыі.

|| прым. мускусны, ✂.