Verbum

трэк

(англ. track)

спартыўнае збудаванне з кругавой трасай для трэніровак і спаборніцтваў па вела- і мотаспорце.

трэкбо́л

(англ. trackball)

дапаможнае ўстройства для ўводу інфармацыі ў партатыўных камп’ютэрах, вярчэннем якога вакол цэнтра кантраліруецца становішча курсора на маніторы.

трэна́ж

(фр. trainage, ад англ. train = трэніраваць)

трэніроўка, а таксама комплекс практыкаванняў для трэніроўкі (у спорце, балеце і інш.).

трэ́нер

(англ. trainer, ад англ. train = трэніраваць)

спецыяліст, які займаецца трэніроўкай спартсменаў.

трэ́нінг

(англ. training, ад англ. train = трэніраваць)

спецыяльны трэніровачны рэжым (напр. т. баксёра, т. плыўцоў).

трэст

(англ. trust)

1) аб’яднанне прадпрыемстваў, звязаных аднароднасцю прадукцыі або рознымі стадыямі перапрацоўкі сыравіны;

2) манапалістычнае аб’яднанне некалькіх прадпрыемстваў пад адным кіраўніцтвам.

трэці́раваць

(ням. traitieren, ад фр. traiter = абыходзіцца)

абыходзіцца з кім-н. пагардліва, звысоку.

туберкулёз

(н.-лац. tuberculosis, ад лац. tuberculum = бугарок)

інфекцыйная хвароба чалавека і жывёл, выкліканая палачкай Коха; паражае лёгкія, косці, суставы, кішэчнік.

ту́мба

(ням. Tumbe, ад лац. tumba = магіла)

1) невысокі слупок каля дарогі або тратуара;

2) ніжняя частка пісьмовага стала ў выглядзе невялікай шафкі з шуфлядамі;

3) круглае збудаванне для наклейвання аб’яў, афіш.

ту́мблер

(англ. tumbler)

механічны пераключальнік у электра- і радыётэхнічных прыборах.