Verbum

заатланты́чны, ‑ая, ‑ае.

Які знаходзіцца за Атлантычным акіянам. Заатлантычныя краіны.

заатэ́хнік, ‑а; м.

Спецыяліст у галіне заатэхніі, заатэхнікі.

заатэ́хніка, ‑і, ДМ ‑ніцы, ж.

Тое, што і заатэхнія.

заатэхні́чны, ‑ая, ‑ае.

Які мае адносіны да заатэхніі. Заатэхнічныя курсы. Заатэхнічная лабараторыя.

заатэ́хнія, ‑і, ж.

Навука аб гадоўлі і правільным выкарыстанні сельскагаспадарчых жывёл.

заафе́рма, ‑ы, ж.

Спец. Жывёлагадоўчая ферма.

заахво́ціцца, ‑вочуся, ‑воцішся, ‑воціцца; зак.

Адчуць жаданне, ахвоту да чаго‑н.; падахвоціцца. [Янка] яшчэ болей павесялеў, калі Лабановіч раптам заахвоціўся прайсціся разам да мястэчка Стаўбуны. Колас. [Ірынка] усё гаварыла, як дарослая, і, як дарослая, пачынала рабіць усё ў доме. Заахвоцілася нават раз мыць падлогу. Чорны.

заахво́ціць, ‑вочу, ‑воціш, ‑воціць; зак., каго-што.

Выклікаць ахвоту да чаго‑н., жаданне займацца чым‑н. Я сеў на парозе і з цікавасцю пачаў слухаць гаваркую бабулю, час ад часу ўстаўляючы толькі асобныя словы, каб заахвоціць яе да размовы. Няхай. Каб заахвоціць чырвонаармейцаў да вучобы, я пачаў чытаць ім урыўкі з класічных твораў Гогаля, Л. Талстога, Чэхава, Горкага. Сяргейчык.

заахво́чаны, ‑ая, ‑ае.

Дзеепрым. зал. пр. ад заахвоціць.

заахво́чвальны, ‑ая, ‑ае.

Прызначаны для заахвочвання. Заахвочвальныя ўзнагароды. Заахвочвальныя прэміі.