замалёўвацца, ‑аюся, ‑аешся, ‑аецца; незак.
1. Незак. да замалявацца.
2. Зал. да замалёўваць.
замалёўваць, ‑аю, ‑аеш, ‑ае.
Незак. да замаляваць.
замалёўка, ‑і, ДМ ‑лёўцы; Р мн. ‑лёвак; ж.
1. Дзеянне паводле знач. дзеясл. замалёўваць — замаляваць.
2. Малюнак, накід з натуры. Пейзажная замалёўка. □ [Дзяўчына] звычайна цэлымі днямі сядзіць на карме з альбомам і алоўкам, робіць замалёўкі. Мележ. // перан. Пра літаратурны твор малога жанру на бытавую тэму. Кніга паказвае, як ад першых нясмелых замалёвак уздымалася .. [беларуская нацыянальная проза] у дакастрычніцкі час да значных мастацкіх здабыткаў. С. Александровіч.
замалі́ць, ‑малю, ‑моліш, ‑моліць; зак., што.
Уст. Малітвамі выпрасіць дараванне за якія‑н. дрэнныя ўчынкі. Замаліць грахі.
замало́ць, ‑мялю, ‑мелеш, ‑меле; зак.
Пачаць малоць.
замалы́, ‑ая, ‑ое.
Разм. Надта малы; меншы, чым трэба. Можа, птахам корму не хапала? Можа, ў іх быў выган замалы? Арочка.
замалява́цца, ‑лююся, ‑люешся, ‑люецца; зак.
Разм.
1. Захапіўшыся маляваннем, забыцца аб часе. Замаляваўся да вечара.
2. Стаміцца, доўга малюючы.
замалява́ць, ‑люю, ‑люеш, ‑люе; зак., каго-што.
1. Зрабіць малюнак каго‑, чаго‑н. Чалавек замаляваў .. [Крысціну] такой, якой застаў на гэтай лаўцы некалькі хвілін назад. Васілевіч.
2. Разм. Пакрыць, запоўніць што‑н. малюнкамі. Замаляваць усю старонку.
замане́рыцца, ‑руся, ‑рышся, ‑рыцца; зак.
Пачаць манерыцца.
замані́ха, ‑і, ДМ ‑нісе, ж.
Дрэва або кустоўе сямейства араліевых з дробнымі зеленаватымі кветкамі і сакавітымі пляскатымі пладамі.