Verbum

ветэрынарыя, ✂, ж.

Навука аб хваробе жывёл і іх лячэнні.

|| прым. ветэрынарны, ✂.

вехаць, ✂, м.

1. Мачалка з рагожы.

2. Жмут, жменя (саломы, сена і пад.).

вецер, ✂, м.

Рух паветра ў гарызантальным напрамку.

• Моцны в.
• Спадарожны в.
• Паўднёвы в.
• Подых ветру.
• Стаяць на ветры (там, дзе дзьме моцны вецер).
• Трымаць нос па ветры (перан. прыстасоўвацца да абставін).
• Шукай ветру ў полі (пра дарэмныя пошукі).
• Куды в. дзьме (перан. прыстасоўваючыся да большасці думак, поглядаў, густаў).

• Кідаць словы на вецер (разм.) — гаварыць упустую, дарэмна ці неабдумана.

• Вецер у галаве ў каго (разм. неадабр.) — пра легкадумнага чалавека.

• Ветрам падшыты або падбіты (разм.) — пра легкадумнага чалавека, а таксама пра адзенне без цёплай падкладкі.

|| памянш. ветрык, ✂.

• З ветрыкам (пра язду: вельмі хутка; разм.).

|| прым. ветравы, ✂.

• Ветравы подых.
• Ветравое шкло (у аўтамашынах).

веча, ✂, н.

Народны сход у Старажытнай і Сярэдневяковай Русі і на Беларусі гараджан для вырашэння грамадскіх спраў, а таксама месца такога сходу.

|| прым. вечавы, ✂.

• В. звон.

вечар, ✂, м.

1. Час сутак ад канца дня да надыходу ночы.

   • Зімовы в.
   • Прыйшлі дамоў пад в.

2. Грамадскі вячэрні сход, прысвечаны якой-н. даце.

   • Урачысты в.
   • В. сустрэчы з ветэранамі.

|| памянш. вечарок, ✂.

|| прым. вячэрні, ✂.

• Вячэрняя школа.

вечарам, прысл.

У вячэрні час.

|| памянш. вечарком, ✂.

• В. забягу на хвіліну.

вечарынка, ✂, ж.

Вячэрняя гулянка з музыкай і танцамі.

• Пайсці на вечарынку.

вечарэць, ✂; безас.; незак.

Блізіцца к вечару, надыходзіць (пра вечар).

• Пачало в.
• Увосень рана вечарэе.

|| зак. звечарэць, ✂.

вечна, прысл.

1. Бясконца, спрадвеку; на працягу вякоў.

   • Матэрыя існуе в.
   • Жыць в. ў памяці народа.

2. Пастаянна, заўсёды.

   • Брат в. заняты.

вечназялёны, ✂.

Аб раслінах: круглы год з зялёным лісцем, ігліцай.