Verbum

прагартаць, ✂; зак.

1. Тое, што і прагарнуць (у 1 знач.).

2. Правесці які-н. час, гартаючы што-н.

   • Увесь вечар прагартаў кнігі.

прагарэлы, ✂.

Які прагарэў, зрабіўся дзіравым.

прагарэць, ✂; зак.

1. Зрабіцца дзіравым ад агню.

   • Сцяна прагарэла.

2. Згарэць зусім.

   • Дровы ў печы прагарэлі.

3. Гарэць які-н. час.

   • Ліхтар прагарэў усю ноч.

4. перан, Пацярпець няўдачу ў справе, пераважна грашовай (разм.).

   • Справа мая прагарэла.

|| незак. прагараць, ✂ і прагарваць, ✂.

прагіб, ✂ і прагін, ✂, м.

1. гл. прагнуцца, -ць.

2. Прагнутае месца.

   • Трэшчына ў прагібе.

прагімназія, ✂, ж. (уст.).

Няпоўная (з чатырох або шасцікласным курсам) гімназія.

прагледзець, ✂ і праглядзець, ✂; зак.

1. Аглядаючы, гледзячы, азнаёміцца з чым-н.

   • П. спектакль.
   • П. новую экспазіцыю.

2. Бегла прачытаць.

   • П. часопіс.

3. Гледзячы, не заўважыць, прапусціць.

   • П. памылку.

4. перан. Не звярнуць належнай увагі, выпусціць з поля зроку (разм.).

   • За справамі прагледзелі (праглядзелі) сына.

5. што і без дап. Правесці які-н. час, разглядаючы што-н., назіраючы за чым-н.

◊

• Усе вочы прагледзець (разм.) — углядаючыся, доўга чакаць каго-н.

|| незак. праглядаць, ✂.

|| наз. прагляд, ✂.

• Калектыўны п. спектакля.
• Аддаць рукапіс на п. каму-н.

праглынуць, ✂; зак.

Глытаючы, прапусціць праз глотку ў стрававод.

• П. кавалак.
• З мёдам і цвік праглынеш (прыказка).
• П. пілюлю (перан. моўчкі перанесці абразу).
• П. язык (перан. замаўчаць, перастаць гаварыць; разм.).
• П. кнігу (перан. хутка прачытаць; разм.).

|| незак. праглынаць, ✂.

праглядальны, ✂.

Які служыць для прагляду чаго-н.

• Праглядальная зала.

праглядацца, ✂ і праглядвацца, ✂, незак.

Аб прасторы: быць добра бачным, адкрытым для аглядання.

• З узгорка добра праглядаецца (праглядваецца) ўсё наваколле.

праглянуць, ✂; зак.

Выглянуць, паказацца.

• Праглянула сонца з-за хмар.

|| незак. праглядваць, ✂.