Verbum

плаў...

Першая частка складаных слоў са знач.:

• 1) плывучы, напр. плаўбаза, плаўзавод, плаўкран;
• 2) які мае адносіны да плавання, напр. плаўсастаў (маракі ці рачнікі, якія прымаюць непасрэдны ўдзел у плаванні).

плаўка, ✂, ж.

1. гл. плавіць.

2. Выплаўлены за адзін вытворчы цыкл метал (спец.).

   • Домна выдала першую плаўку.

плаўкі​¹ ✂ прым.

Здольны лёгка плавіцца.

• Плаўкія металы.

|| наз. плаўкасць, ✂.

плаўкі​², ✂

Кароткія мужчынскія трусы для плавання, якія шчыльна аблягаюць цела.

плаўлены, ✂:

• плаўлены сыр — гатунак мяккага сыру.

плаўні, ✂.

Парослыя водалюбівай расліннасцю нізкія берагі рэк і астраўкі, якія затапляюцца вясной.

• Прырэчныя п.

|| прым. плаўневы, ✂.

плаўнік, ✂, м.

Орган руху ў рыб і водных жывёл.

|| прым. плаўніковы, ✂.

плаўны, ✂.

Роўны, без рэзкіх пераходаў.

• Плаўная паходка.
• П. танец.
• Плаўна (прысл.) чытаць.

◊

• Плаўны зычны — у фанетыцы: назва зычных «л» і «р».

|| наз. плаўнасць, ✂.

плафон, ✂, м.

1. Столь, упрыгожаная жывапісам, лепкай, мазаікай.

2. Род абажура для электрычнай лямпы, звычайна на столі або на сцяне.

|| прым. плафонны, ✂.

плаха, ✂, ж.

1. Кавалак расколатага ўздоўж бервяна.

2. Калода, на якой даўней адсякалі галаву прыгаворанаму да пакарання смерцю, а таксама памост, на якім адбывалася пакаранне.

   • Класці галаву на плаху (таксама перан.).