Verbum

квадратура, ✂, ж.

У матэматыцы: вылічэнне плошчы або паверхні фігуры.

Квадратура круга —

1. невырашальная задача ператварэння круга ў роўнавялікі квадрат;
2. наогул невырашальная задача.

квадрыга, ✂, ж.

Двухколавая антычная калясніца, запрэжаная чацвёркай у адзін рад.

квадрыльён, ✂, м.

Назва ліку ў выглядзе адзінкі з пятнаццаццю нулямі, а ў некаторых краінах — з дваццаццю нулямі.

|| прым. квадрыльённы, ✂.

квазі...

Першая частка складаных слоў — тое, што і ілжэ... (у 1, 2 і 4 знач.), напр. квазіактыўны, квазівучоны, квазікласічны, квазімагнітны, квазінавуковы, квазіполюс, квазісапраўдны, квазіспецыяліст; квазізорка, квазіімпульс, квазічасціца.

квакаць, ✂; незак.

Пра лягушак: утвараць гукі, падобныя на «ква-ква».

|| аднакр. квакнуць, ✂.

|| наз. кваканне, ✂.

квакер, ✂, м.

Паслядоўнік адной з пратэстанцкіх рэлігійных сектаў, якая адвяргае царкоўныя абрады (у ЗША, Англіі і некаторых іншых краінах).

|| прым. квакерскі, ✂.

квакша, ✂, ж.

Дрэвавая лягушка.

кваліфікаваны, ✂.

1. Які мае кваліфікацыю (у 2 знач.); вопытны.

   • К. спецыяліст.

2. Які патрабуе спецыяльных; ведаў.

   • Кваліфікаваная праца.

|| наз. кваліфікаванасць, ✂.

кваліфікаваць, ✂; зак. і незак.

1. каго (што). Устанавіць (устанаўліваць) ступень чыёй-н. падрыхтоўкі, годнасці да якой-н. працы, дзейнасці.

   • К. спецыяліста.

2. каго-што. Ацаніць (ацэньваць), вызначыць (-аць) якім-н. чынам.

   • Як к. такія паводзіны?

|| наз. кваліфікацыя, ✂.

кваліфікатыўны, ✂, ж. (кніжн.).

Якасны.

• К. метад.

|| наз. кваліфікатыўнасць, ✂.