Verbum

ланч

гл. ленч.

лапто́п, лепто́п

(англ. laptop, ад lap = калені + top = верх)

партатыўны персанальны камп’ютэр з плоскім дысплеем на вадкіх крышталях і параўнальна невялікім аб’ёмам памяці; змяшчаецца на каленях карыстальніка.

ласо́

(фр. lasso, ад ісп. lazo)

аркан з рухомай пятлёй на канцы для лоўлі жывёл.

ласт-бо́л

(англ. last ball = літар. апошні мяч)

становішча пры гульні ў тэніс, калі аднаму з бакоў не хапае толькі аднаго мяча да выйгрышу партыі або матча.

ласьён

(фр. lotion, ад лац. lotio = мыццё)

касметычны гігіенічны сродак для догляду скуры твару.

латарэ́я

(іт. lotteria)

розыгрыш рэчаў і грашовых сум па білетах.

латэ́нтны

(лац. latens, -ntis = скрыты, нябачны)

які знешне не праяўляецца, скрыты (напр. л. перыяд хваробы, л-ая злачыннасць).

лаўрэа́т

(лац. laureatus = увенчаны лаўрамі)

званне, якое прысуджаецца за выдатныя заслугі ў галіне навукі, тэхнікі, мастацтва, а таксама асоба, якая мае гэта званне.

лая́льны

(фр. loyal = літар. верны)

які фармальна трымаецца ў межах законнасці, прытрымліваецца добразычліва-нейтральных адносін да каго-н., чаго-н.

левіта́цыя

(англ. levitation, ад лац. levitas, -atis = лёгкасць)

магічны спосаб пераадолення зямнога прыцяжэння (напр. падыманне ўласнага цела намаганнем волі, палёты ў сне і г. д.).