падціко́ўваць, ‑аю, ‑аеш, ‑ае.
Незак. да падцікаваць.
падціна́ць, ‑аю, ‑аеш, ‑ае.
Незак. да падцяць.
падціра́нне, ‑я, н.
Дзеянне паводле знач. дзеясл. падціраць — падцерці.
падціра́ць, ‑аю, ‑аеш, ‑ае.
Незак. да падцерці.
падці́рка, ‑і, ДМ ‑рцы, ж.
Разм. Дзеянне паводле знач. дзеясл. падціраць — падцерці.
падціска́цца, ‑аецца; незак.
Зал. да падціскаць.
падціска́ць, ‑аю, ‑аеш, ‑ае.
Незак. да падціснуць.
падціскны́, ‑ая, ‑ое.
Спец. Які служыць для падціскання, прызначаны для падціскання. Падціскная шайба.
падці́снуты, ‑ая, ‑ае.
Дзеепрым. зал. пр. ад падціснуць.
падці́снуць, ‑ну, ‑неш, ‑не; зак.
1. што. Падцягваючы канцы чаго‑н., завязаць, абвязаць тужэй. Падціснуць воз з сенам. □ Старшыня нейкім адмысловым жаночым рухам падціснула ражкі касынкі пад падбародкам і дакранулася да локця юнака. Даніленка. // Закруціць тужэй. Агледзеў [Міша станок].. знешне, гайкі падціснуў, замяніў пасы ад злектраматора на прывод, уключыў. Мыслівец.
2. што. Падцягнуць пад сябе ці прыціснуць да сябе. Калмаценькі сабачка падціснуў хвост і стрымгалоў кінуўся ў садовы бункер, дзе звычайна хавалася ўся сям’я падчас ваенных нягод. Лужанін. // Шчыльна стуліць, сціснуць губы. Жанчыны сурова падціснулі вусны. Даніленка.
3. перан. Разм. Трохі павялічыцца (пра мароз, холад). Была адліга, потым падціснуў мароз, лісце падмерзла і цяпер звінела, быццам зробленае з гучнай жоўтай фольгі. Савіцкі. / у безас. ужыв. Уначы неяк сыпанула сёння [снегам] ды лёгенькім марозцам падціснула. Шынклер.
•••
Падціснуць (падцяць) хвост — стаць больш сціплым, менш ганарыстым, фанабэрыстым. Балбатуны падціснулі хвасты. Корбан.