Verbum

графі́ць, ‑флю, ‑фіш, ‑фіць; незак., што.

Разлінейваць на графы (у 1 знач.). Графіць паперу.

графі́чны ​¹, ‑ая, ‑ае.

Які мае адносіны да графікі. Графічнае мастацтва. Графічнае абазначэнне слова.

графі́чны ​², ‑ая, ‑ае.

Выражаны пры дапамозе графіка ​¹, паказаны з дапамогай чарцяжу. Графічны метад рашэння задач.

графле́нне, ‑я, н.

Дзеянне паводле знач. дзеясл. графіць.

графлёны, ‑ая, ‑ае.

1. Дзеепрым. зал. пр. ад графіць.

2. у знач. прым. Разлінеены на графы, з графамі. Графлёная папера.

графо́лаг, ‑а, м.

Чалавек, які займаецца графалогіяй.

гра́фскі, ‑ая, ‑ае.

Які мае адносіны да графа, належыць графу. Графскі тытул. Графскі палац.

гра́фства, ‑а, н.

1. Графскі тытул.

2. Зямля, якая знаходзілася пры феадальным ладзе ва ўладанні графа.

3. Буйная адміністрацыйна-тэрытарыяльная адзінка ў Англіі, Ірландыі, ЗША і інш.

грахаво́днік, ‑а, м.

Разм. Чалавек амаральных паводзін.

грахаво́дніца, ‑ы, ж.

Разм. Жан. да грахаводнік.

грахаво́днічаць, ‑аю, ‑аеш, ‑ае; незак.

Непрыстойна, амаральна паводзіць сябе.