падашука́ць, ‑аю, ‑аеш, ‑ае; зак., каго.
Разм. Крыху ашукаць. Прадам бульбу, прадам жыта, Абы было шыта-крыта... — зачаў Янка другую песню. — Глядзі, каб не падашукалі! — перасцярог яго Андрэй Падгорны. Колас.
падашу́квацца, ‑аюся, ‑аешся, ‑аецца; незак.
1. Незак. да падашукацца.
2. Зал. да падашукваць.
падашу́кваць, ‑аю, ‑аеш, ‑ае.
Незак. да падашукаць.
падашыва́ць, ‑аю, ‑аеш, ‑ае; зак., што.
Дашыць усё, многае. Швачкі падашывалі сукенкі.
па́даючы,
1. ‑ая, ‑ае. Дзеепрым. незал. цяпер. ад падаць. Месяц адбівае ўсяго 7 працэнтаў падаючых на яго сонечных праменяў. «Звязда».
2. ‑ая, ‑ае; у знач. прым. Які звязаны з перамяшчэннем уніз. Сіла падаючай вады. □ Да вуха даляцелі шум і трэск падаючых дрэў, глухія выбухі. Шчарбатаў.
3. ‑ая, ‑ае; у знач. прым. Які пабудаваны нахільна. Падаючая вежа.
4. Дзеепрысл. незак. ад падаць.
падаяда́ць, ‑аю, ‑аеш, ‑ае; зак., што.
Даесці ўсё, многае. Падаядаць яблыкі.
падба́віцца, ‑бавіцца; пераважна безас. зак.
Крыху, нямнога прыбавіцца. — Ну, Мікіта Тодаравіч, рыхтуйся з сіламі, зямлі падбавіцца, — сказаў .. [каморнік]. Галавач. З таго вечара ў Леапольда Гушкі падбавіліся сілы да работы. Чорны.
падба́віць, ‑баўлю, ‑бавіш, ‑бавіць; зак., што і чаго.
Крыху, нямнога прыбавіць. Падбавіць цукру ў чай. □ Раптам .. [Васілю] здалося, што наперадзе нехта ідзе .. Васіль падбавіў хады. Чалавек пачуў яго, стаў. Мележ. / у безас. ужыв. — О, снегу падбавіла за ноч, — сказаў .. [дзед]. Чорны.
падбадзёраны, ‑ая, ‑ае.
Дзеепрым. зал. пр. ад падбадзёрыць.
падбадзёрванне, ‑я, н.
Дзеянне паводле знач. дзеясл. падбадзёрваць — падбадзёрыць.