Verbum

жалудачак, ✂, м.

1. Аддзел сэрца, які сваімі скарачэннямі абумоўлівае рух крыві па крывяноснай сістэме.

   • Правы, левы ж.

2. Поласць у галаўным, а таксама ў спінным мозгу.

|| прым. жалудачкавы, ✂.

жаль, ✂, м.

1. Пачуццё спагады, жаласці, выкліканае чыім-н. няшчасцем, пакутай.

   • Не ведаць жалю.

2. Пачуццё горычы, смутку з прычыны страты каго-, чаго-н.

   • Мацярынскі ж.

3. Засмучэнне, шкадаванне.

   • Гаварыць з жалем аб здарэнні.

◊

• На (вялікі) жаль (у знач. пабочн.) — ужыв., каб выказаць шкадаванне з прычыны чаго-н.

жальба, ✂, ж.

1. Смутак, туга, шкадаванне.

   • Ж. сэрца.

2. Скарга, нараканне.

   • Затоеная ж. падступала да горла.

жалюзі, нескл., н.

Сонцазасцерагальныя шторы з нахільна ўмацаваных пласцінак на шнурах.

|| прым. жалюзійны, ✂.

жалязка, ✂, н. (разм.).

1. Лязо гэбля, фуганка і пад.

2. Прас, які награваюць на агні.

жалязняк​¹, ✂, м.

Жалезная руда (толькі ў спалучэнні з прыметнікам).

• Магнітны ж.
• Буры ж.

жалязняк​², ✂, м. (разм.).

Лапата, рыдлёўка.

• Агарод ускапалі жалезняком.

жалязяка, ✂, ж. (разм.).

Кавалак жалеза, жалезіна.

жамерыны, ✂.

Адходы пасля выціскання соку або алею з чаго-н.

• Канапляныя ж.

жамчужна-...

Першая частка складаных слоў са знач. жамчужны (у 2 знач.), з бліскуча-белым адценнем, напр. жамчужна-белы.