Verbum

прымаўка, ✂, ж.

1. Выраз, пераважна вобразны, які не складае, у адрозненне ад прыказкі, закончанага суджэння і не з’яўляецца афарызмам.

2. Словы, якія часта кім-н. паўтараюцца, прыгаворка.

прымацаваць, ✂; зак.

1. Трывала прырабіць.

   • П. канькі да чаравікаў.

2. Аддаць, перадаць у чыё-н. распараджэнне (для абслугоўвання і пад.).

   • П. правадніка да турыстаў.
   • П. да паліклінікі.

|| незак. прымацоўваць, ✂.

|| звар. прымацавацца, ✂.

|| незак. прымацоўвацца, ✂.

|| наз. прымацоўванне, ✂.

|| наз. прымацаванне, ✂.

прыма-балерына, ✂, ж.

Балерына, якая выконвае першыя ролі.

прымгнуць, ✂; зак. (разм.).

Заснуць ненадоўга лёгкім сном, задрамаць.

• П. на хвіліну.

прыменшыць, ✂; зак. (разм.).

Падаць як крыху меншае, чым на самай справе.

• П. расходы.
• П. небяспеку.

|| незак. прымяншаць, ✂.

|| наз. прымяншэнне, ✂.

прымераць, ✂; зак.

Надзець (адзенне, абутак) для вызначэння адпаведнасці мерцы, прыгоднасці па памеру.

• П. сукенку.

|| незак. прымерваць, ✂ і прымяраць, ✂.

|| наз. прымерка, ✂ і прымерванне, ✂.

прымерзнуць, ✂; зак.

1. Прыліпнуць пад уздзеяннем марозу.

   • Дошка прымерзла да зямлі.

2. Крыху змерзнуць, падмерзнуць.

   • Фруктовыя дрэвы прымерзлі.

|| незак. прымярзаць, ✂.

|| наз. прымярзанне, ✂.

прымеркавацца, ✂; зак.

Сабрацца, падрыхтавацца што-н. рабіць, улічыўшы абставіны.

• П. скочыць цераз канаву.

|| незак. прымяркоўвацца, ✂.

прымеркаваць, ✂; зак.

1. што да чаго. Аднесці да якога-н. тэрміну.

   • П. выданне кнігі да юбілею.

2. Прыйсці ў патрэбны момант, трапіць у час.

   • Прымеркаваў к самаму абеду.

|| незак. прымяркоўваць, ✂.

прымесь, ✂, ж.

Дадатковы элемент у складзе чаго-н., дамешак.

• Ачысціць насенне ад прымесей.

|| прым. прымесны, ✂.

• Прымесныя элементы ў фарбах.