Verbum

па-над, прыназ.

Ужыв. пры ўказанні на каго-, што-н., над якімі ў пэўным кірунку адбываецца рух, дзеянне або зверху над якімі што-н. адбываецца.

• Песні плылі па-над гаем.
• Гучыць голас міру па-над светам.

певень, ✂, м.

1. Самец курыцы.

2. перан. Пра задзірыстага чалавека, забіяку (разм.).

◊

• Да пеўняў (праседзець; разм.) — да світання.

• Да пеўняў або з пеўнямі (устаць, падняцца; разм.) — вельмі рана, на досвітку.

• Пусціць чырвонага пеўня (разм.) — учыніць пажар, падпаліць (у 2 знач.).

|| памянш. пеўнік, ✂.

|| прым. пеўневы, ✂.

• П. крык.
• П. голас (таксама перан. крыклівы, прарэзлівы).

пед...

Першая частка складаных слоў у знач. педагагічны, напр. педвучылішча, педінстытут, педпрактыка.

педагагічны, ✂.

1. гл. педагог і педагогіка.

2. Які адпавядае патрабаванням педагогікі.

   • П. такт.

|| наз. педагагічнасць, ✂.

педагог, ✂, м.

Асоба, якая займаецца выкладчыцкай і выхаваўчай работай.

|| прым. педагагічны, ✂.

педагогіка, ✂, ж.

Навука аб метадах выхавання і навучання.

|| прым. педагагічны, ✂.

• П. факультэт (які рыхтуе спецыялістаў па педагогіцы).
• П. інстытут (які рыхтуе настаўнікаў).

педаль, ✂, ж.

Нажны рычаг у машынах і музычных інструментах.

• П. тормаза, раяля.
• Паціснуць на ўсе педалі (таксама перан. прыняць усе меры для паскарэння, дасягнення чаго-н.; разм.).

|| прым. педальны, ✂.

• Дзіцячая педальная машына.

педант, ✂, м.

Той, хто залішне строгі ў выкананні ўсіх фармальных запатрабаванняў (у навуцы, жыцці і пад.).

|| ж. педантка, ✂.

|| прым. педанцкі, ✂.

педантызм, ✂, м.

Паводзіны, уласцівасці педанта.

• Дакладны да педантызму.

педантычны, ✂.

Строгі ў выкананні ўсіх запатрабаванняў, надзвычай дакладны і акуратны.

• П. чалавек.
• Педантычныя адносіны.
• Педантычна (прысл.) усё выконваць.

|| наз. педантычнасць, ✂.