Verbum

пахмелле, ✂, н.

1. гл. пахмяліцца.

2. Дрэннае самаадчуванне пасля моцнай выпіўкі, п’янства.

   • Баліць галава з пахмелля.

◊

• Пахмелле ад чужога вяселля (разм.) — непрыемнасці з-за другіх, па чужой віне.

|| прым. пахмельны, ✂.

пахмурнець, ✂; зак. і незак.

1. зак. Стаць хмурным, хмурнейшым.

   • Пасля гэтых слоў ён адразу пахмурнеў.

2. незак. Станавіцца пахмурным, хмурнець.

   • Чалавек усё больш пахмурнеў.

пахмурны, ✂.

1. Змрочны, хмарны, з небам, пакрытым воблакамі.

   • Пахмурнае надвор’е.
   • Сёння пахмурна (у знач. вык.).

2. перан. Змрочны, невясёлы.

   • П. настрой.
   • П. выгляд.

|| наз. пахмурнасць, ✂.

пахмялець, ✂; зак.

Захмялець — пра ўсіх, многіх.

пахмяліцца, ✂; зак.

Выпіць спіртнога на другі дзень пасля моцнай выпіўкі.

|| незак. пахмяляцца, ✂.

|| наз. пахмелле, ✂ і пахмелка, ✂.

пахнуць, ✂; незак.

1. Вылучаць які-н. пах.

   • Добра п.
   • П. мятай.
   • Ты ведаеш, чым гэта пахне (перан.).
   • Грошы не пахнуць (пра непатрабавальныя адносіны да таго, якім шляхам атрыманы грошы; неадабр.).

2. перан., звычайна безас., чым. Адчувацца, сведчыць пра набліжэнне чаго-н., магчымасць чаго-н. (разм.).

   • Пахне нядобрым.
   • Пахне порахам (пра набліжэнне вайны).

паход​¹, ✂, м.

1. Перамяшчэнне войск або флоту з якой-н. мэтай.

   • Полк выступіў у п.

2. Ваенныя дзеянні супраць каго-н.

   • Крыжовыя паходы.

3. Арганізаванае падарожжа ці далёкая прагулка, а таксама наогул сумесны рух групы асоб з пэўнымі мэтамі, заданнямі.

   • Турысцкі п.
   • П. па месцах баявой славы.

4. Арганізаванае або загадзя намечанае наведанне чаго-н.

   • Калектыўны п. у кіно.

|| прым. паходны, ✂.

• Ісці паходным маршам.

паход​², ✂, м.

Невялікі лішак у вазе.

• Тры кілаграмы з паходам.

паходжанне, ✂, н.

1. Прыналежнасць па нараджэнню да якой-н. нацыі, класа, саслоўя.

   • Беларус па паходжанню.
   • Сацыяльнае п.

2. Узнікненне, паяўленне.

   • П. жыцця на зямлі.

паходзіць, ✂; незак.

1. Належаць па нараджэнню да якога-н. класа, нацыі, саслоўя.

   • Ён паходзіць з рабочых.

2. Узнікаць, утварацца ад чаго-н.

   • Назва паселішча паходзіць ад ракі.

3. Быць падобным да каго-, чаго-н.

   • П. на бацьку.