Verbum

неабвержны, ✂.

Тое, што і неабвяргальны.

|| наз. неабвержнасць, ✂.

неабвяргальны, ✂.

Такі, які не можа быць абвергнутым; пераканальны, бясспрэчны.

• Н. факт.

|| наз. неабвяргальнасць, ✂.

неабдуманы, ✂.

Зроблены без абдумвання, неразважлівы.

• Н. ўчынак.
• Неабдуманае рашэнне.

|| наз. неабдуманасць, ✂.

неабдымны, ✂.

Велізарных памераў, бязмежны.

• Н. сусвет.

|| наз. неабдымнасць, ✂.

неабжыты, ✂.

Такі, у якім яшчэ мала жылі; неасвоены для жылля.

• Неабжытая кватэра.

|| наз. неабжытасць, ✂.

неабстраляны, ✂.

Пра салдата: які не быў у баях, не прывык да стральбы.

• Неабстраляная моладзь (таксама перан.).

|| наз. неабстралянасць, ✂.

неабсяжны, ✂.

Вялікі па працягласці, памерах; бязмежны.

• Н. акіян.

|| наз. неабсяжнасць, ✂.

неабходнасць, ✂, ж.

Патрэба ў кім-, чым-н.

• Прадметы першай неабходнасці.

неабходны, ✂.

1. Такі, без якога нельга абысціся; патрэбны.

   • Неабходныя рэчы.
   • Неабходныя інструменты.

2. Абавязковы, непазбежны.

   • Неабходныя меры.

неабчасаны, ✂.

1. Неапрацаваны часаннем.

   • Н. камень.

2. перан. Неадукаваны, некультурны, грубы (разм.).

|| наз. неабчасанасць, ✂.