Verbum

адляце́цца, ✂; зак. (разм.).

Летучы, перамясціцца, аддаліцца на пэўную адлегласць.

• Варона крыху адляцелася і села.

|| незак. адлятацца, ✂.

адляце́ць, ✂; зак.

1. Летучы, перамясціцца, аддаліцца ад каго-, чаго-н. на пэўную адлегласць.

   • А. на 10 кіламетраў.

2. Паляцець; пакінуць якое-н. месца, вылецеўшы.

   • Адляцелі буслы ў вырай.

3. перан. Адысці, мінуць, знікнуць (кніжн.).

   • Дні дзяцінства адляцелі.

4. Адскочыць убок ад моцнага ўдару, штуршка (разм.).

   • Мячык адляцеў ад сцяны.

5. Адарвацца, адпасці (пра што-н. прымацаванае; разм.).

   • Наклейка адляцела.

|| незак. адлятаць, ✂.

адмайстрава́ць, ✂; зак.

Зрабіць, выштукаваць што-н. старанна, адмыслова.

• А. скрыпку.

адмакрэ́ць, ✂; зак. (разм.).

Праняцца вільгаццю, зрабіцца мокрым.

• Адмакрэлі запалкі.

адмалаці́ць, ✂; зак.

1. Змалаціць, скончыць малаціць (разм.).

2. Адпрацаваць на малацьбе за доўг.

3. перан. Моцна набіць каго-н., адлупцаваць (разм.).

   • Адмалацілі так, што больш красці не будзе.

4. перан., што і без дапаўнення. У хуткім тэмпе, абы-як прачытаць, сказаць; адбарабаніць (разм.).

   • Адмалаціў даклад і з трыбуны далоў.

адма́лку, прысл.

З маленства, змалку.

• Прывучаць дзяцей да працы адмалку.

адмало́ць, ✂; зак.

1. Папрацаваць пэўны час, мелючы што-н.

   • А. два дні.

2. Скончыць малоць.

   • Адмалоў сваё стары млын.

адмалява́ць, ✂; зак. (разм.).

1. Старанна намаляваць што-н. (алеем, фарбамі).

2. Размаляваць, пафарбаваць.

   • А. хату.

3. Скончыць займацца маляваннем.

   • Ён сваё ўжо адмаляваў.

адмаро́зіць, ✂; зак.

Моцна пашкодзіць на марозе якую-н. частку цела.

• А. вушы.

|| незак. адмарожваць, ✂.

адмата́ць, ✂; зак.

Матаючы, аддзяліць.

• А. бінт.
• А. частку нітак.

|| незак. адмотваць, ✂.

|| наз. адмотванне, ✂.