Verbum

зверыць, ✂; зак.

Праверыць, параўнаўшы з чым-н., узятым за ўзор.

• З. копію з арыгіналам.

|| незак. звяраць, ✂.

|| наз. зверка, ✂.

звесіцца, ✂; зак.

1. Перагнуўшыся цераз што-н., нахіліцца ўніз.

   • З. цераз поручні.

2. Нізка схіліцца, апусціцца.

   • Галіны звесіліся да зямлі.

|| незак. звешвацца, ✂.

звесіць, ✂; зак.

Трымаючы ў вісячым стане, апусціць уніз.

• Вярба звесіла галіны над вадой.
• Сядзець, звесіўшы ногі (не дастаючы да падлогі, зямлі).

|| незак. звешваць, ✂.

звесткі, ✂, ж.

Даныя, паведамленні пра каго-, што-н.

• Атрымаць важныя з.
• З. аб надвор’і.

звесці, ✂; зак.

1. Ведучы, спусціць зверху ўніз.

   • З. дзіця з лесвіцы.

2. Перавесці, адвесці на другое месца, убок.

   • З. карову з дарогі.
   • З. сур’ёзную размову на жарт (перан.).

3. Знішчыць, перавесці; зрасходаваць (звычайна без карысці).

   • З. тараканаў.
   • З. многа лесу (высечы).

4. Наблізіць адно да другога, ссунуць, злучыць. з. бровы.

5. Сабраць у адно месца, дапамагчы або прымусіць сустрэцца ці сысціся з кім-н.

   • З. дзяцей у зал.
   • З. знаёмых.

6. каго-што ў што. Злучыць у якое-н. новае цэлае.

   • З. даныя ў табліцу.

7. Нацкаваўшы аднаго на другога, прымусіць пабіцца, пакусацца.

   • З. сабак.
   • З. спрачальнікаў (перан.).

8. што да чаго або на што. Давесці да чаго-н. нязначнага, малога, нескладанага.

   • З. выдаткі да мінімуму.

9. каго-што. Сагнуць, сцягнуць, скурчыць.

   • Сутарга звяла нагу.

|| незак. зводзіць, ✂.

|| наз. звядзенне, ✂.

◊

• Звесці са свету — загубіць, знішчыць.

• Звесці ў рожкі (разм.) — пасварыць каго-н. з кім-н. і стукнуць ілбамі.

звесціся, ✂; зак.

1. Перастаць існаваць, знікнуць.

   • Тая парода жывёлы ўжо звялася.

2. Страціць сілы, пахудзець.

   • Звёўся чалавек зусім.

3. да чаго і на што. Скараціўшыся, спрасціўшыся, выразіцца ў чым-н. малым, нескладаным.

   • Справа звялася да дробязей.
   • З. на нішто (страціць усякі сэнс, усякае значэнне).

|| незак. зводзіцца, ✂.

звечара, прысл.

Вечарам, да надыходу ночы.

звіліна, ✂, ж.

Хвалістае скрыўленне, выгін.

• З. ракі.
• Звіліны мозгу.

звілісты, ✂.

Які мае пакручасты выгляд.

• Звілістая сцежка.

|| наз. звілістасць, ✂.

звінець, ✂; незак.

Утвараць металічны гук.

• Звініць званок.
• Звіняць галасы дзяцей.
• У вушах звініць (пра звон у вушах).

|| зак. празвінець, ✂.