Verbum

перавыда́нне, ‑я, н.

1. Дзеянне паводле знач. дзеясл. перавыдаць.

2. Тое, што перавыдадзена. Гэта не новая кніга, а перавыданне.

перавыда́так, ‑тку, м.

Тое, што выдаткавана звыш нормы, плана; перарасход. Мы часта перарабляем адно і тое ж. Адсюль нізкія заробкі, перавыдаткі матэрыялаў... Мыслівец.

перавыдаткава́нне, ‑я, н.

1. Дзеянне паводле знач. дзеясл. перавыдаткаваць.

2. Тое, што і перавыдатак.

перавыдаткава́ны, ‑ая, ‑ае.

Дзеепрым. зал. пр. ад перавыдаткаваць.

перавыдаткава́ць, ‑кую, ‑куеш, ‑куе; зак., што.

Выдаткаваць звыш нормы, плана; перарасходаваць. Перавыдаткаваць крэдыт. Перавыдаткаваць грашовыя сродкі.

перавыдатко́ўвацца, ‑аецца; незак.

Зал. да перавыдаткоўваць.

перавыдатко́ўваць, ‑аю, ‑аеш, ‑ае.

Незак. да перавыдаткаваць.

перавы́даць, ‑дам, ‑дасі, ‑дасць; ‑дадзім, ‑дасце, ‑дадуць; зак., што.

Выдаць нанава, яшчэ раз. Перавыдаць падручнік. Перавыдаць раман. □ З выдавецтва прыслалі прапанову перавыдаць кніжку Гукана, але прасілі зрабіць некаторыя папраўкі. Шамякін.

перавыкана́нне, ‑я, н.

Дзеянне паводле знач. дзеясл. перавыканаць.

перавы́кананы, ‑ая, ‑ае.

Дзеепрым. зал. пр. ад перавыканаць.