Verbum

павыліва́ць, ‑аю, ‑аеш, ‑ае; зак., што.

Выліць усё, многае, выліць што‑н. з многіх пасудзін. [Мішэль] і сіласу каровам за мяне наносіць і свінням вёдры з ядою пацягае, у кармушкі павылівае, і вады напампуе, і нават, убачыўшы, што я бялізну развешваю сушыць, прыйдзе паможа мне. Сачанка.

павылі́звацца, ‑аемся, ‑аецеся, ‑аюцца; зак.

Разм. Вылізацца — пра ўсіх, многіх.

павылі́зваць, ‑аю, ‑аеш, ‑ае; зак., каго-што.

Вылізаць усё, многае або ўсіх, многіх. Павылізваць рэшткі ежы. Павылізваць талеркі. Павылізваць кацянят.

павылі́чваць, ‑аю, ‑аеш, ‑ае; зак., што.

Вылічыць усё, многае. Павылічваць працэнты. Павылічваць падаткі.

павыло́мваць, ‑аю, ‑аеш, ‑ае; зак., што.

Выламаць што‑н. у многіх месцах, выламаць усё, многае. Павыломваць калы з плота.

павыло́мліваць, ‑аю, ‑аеш, ‑ае; зак., што.

Тое, што і павыломваць.

павыло́ўліваць, ‑аю, ‑аеш, ‑ае; зак., каго-што.

Вылавіць усіх, многіх або ўсё, многае. Павылоўліваць рыбу. Павылоўліваць бярвенне з рэчкі.

павылу́звацца, ‑аецца; ‑аемся, ‑аецеся, ‑аюцца; зак.

Вылузацца — пра ўсё, многае. Зярняты павылузваліся.

павылу́зваць, ‑аю, ‑аеш, ‑ае; зак., што.

Разм. Вылузаць усё, многае. Павылузваць гарох.

павылу́плівацца, ‑аецца; зак.

Разм. Вылупіцца са шкарлупіны — пра ўсіх, многіх.