партамане́т, ‑а, М ‑неце, м.
Невялікі кашалёк для грошай. Доўга ў руках круціў.. [рубель] доктар, нават да акна паднёс, паглядзеў на святло, толькі тады паклаў у скураны партаманет. П. Ткачоў.
[Фр. porte-monnaie.]
партарганіза́цыя, ‑і, ж.
Мясцовая партыйная арганізацыя Камуністычнай партыі Савецкага Саюза. Партарганізацыя завода.
партасве́та, ‑ы, ДМ ‑веце, ж.
Партыйная асвета.
партаты́ўнасць, ‑і, ж.
Уласцівасць партатыўнага.
партаты́ўны, ‑ая, ‑ае.
Невялікага намеру і зручны для пераноскі. Партатыўны магнітафон. Партатыўная радыёстанцыя.
[Фр. portatif.]
парта́ч, ‑а, м.
Разм. груб. Чалавек, які нядбала або няўмела выконвае сваю работу. За што ні возьмуцца — ну хоць ты плач! — Цудоўны матэрыял пакрэмзаюць на латы. ... Нажніцы ж, так сказаць, былі не вінаваты, Бо імі працаваў кравец-партач. Корбан.
парта́чыць, ‑чу, ‑чыш, ‑чыць; незак., што.
Разм. груб. Рабіць што‑н. дрэнна, недакладна, без ведання справы.
партбіле́т, ‑а, М ‑леце, м.
Партыйны білет.
партбюро́, нескл., н.
Партыйнае бюро — кіруючы выбарны орган пярвічнай партыйнай арганізацыі. Сакратар партбюро. □ Доўга члены партбюро і радавыя камуністы заклапочана радзіліся, шукалі новых шляхоў паляпшэння працы. Сабаленка. // Пасяджэнне, сход гэтага органа. Сёння ў 16 гадзін партбюро.
партве́йн, ‑у, м.
Гатунак моцнага вінаграднай віна. Пазіраючы на аднаго Яўгена, Міхал адкаркаваў бутэлькі, наліў сабе і яму гарэлкі, Арыне з Лёдзяй — партвейну. Карпаў.
[Ням. Portwein.]