Verbum

мікраско́п, ‑а, м.

Аптычны прыбор для разглядвання прадметаў, якіх нельга ўбачыць простым вокам. Электронны мікраскоп. Аптычны мікраскоп.

[Ад грэч. mikrós — маленькі і skopéō — гляджу.]

мікраско́пны, ‑ая, ‑ае.

Які мае адносіны да мікраскопа.

мікраспо́ра, ‑ы, ж.

Дробная спора ў разнаспоравых вышэйшых раслін.

[Ад грэч. mikrós — маленькі і спора.]

мікраструкту́ра, ‑ы, ж.

Спец. Будова цвёрдых рэчываў, якую можна ўбачыць пад мікраскопам; проціл. макраструктура.

[Ад грэч. mikrós — маленькі і структура.]

мікрато́м, ‑а, м.

Прыбор для атрымання тонкіх зрэзаў тканак жывёл і раслін для вывучэння іх будовы пад мікраскопам.

[Ад грэч. mikrós — маленькі і tomē — рэзанне.]

мікратэлеві́зар, ‑а, м.

Тэлевізар вельмі малых памераў, які працуе на паўправадніках.

мікратэлефо́н, ‑а, м.

Частка тэлефоннага апарата, якая складаецца з мікрафона і тэлефона, аб’яднаных у адным апараце.

[Ад грэч. mikrós — маленькі і тэлефон.]

мікрафатагра́фія, ‑і, ж.

1. Фатаграфаванне павялічаных пры дапамозе мікраскопа аб’ектаў.

2. Сфатаграфаваны такім чынам аб’ект.

[Ад грэч. mikrós — маленькі і фатаграфія]

мікрафа́уна, ‑ы, ж.

Сукупнасць жывёльных мікраарганізмаў у якім‑н. прыродным асяроддзі.

[Ад грэч. mikrós — маленькі і фауна.]

мікрафі́льм, ‑а, м.

Вельмі паменшаны тэкст або малюнак, змешчаны на звычайнай ці спецыяльнай кінафотаплёнцы.

[Ад грэч. mikrós — маленькі і фільм.]