Тлумачальны слоўнік беларускай мовы (1977-84, правапіс да 2008 г.)

ПрадмоваСкарачэнніКніга ў PDF/DjVu

паадмаро́жваць, ‑аю, ‑аеш, ‑ае; зак., што.

Адмарозіць што‑н. у многіх месцах; адмарозіць многае. Паадмарожваць шчокі. Паадмарожваць пальцы.

паадме́ньваць, ‑аю, ‑аеш, ‑ае; зак., што.

Адмяніць усё, многае. Паадменьваць ільготы. Паадменьваць законы.

паадме́рваць, ‑аю, ‑аеш, ‑ае; зак., што.

Адмераць усім, многім. Паадмерваць участкі для забудовы.

паадміра́ць, ‑ае; зак.

Адмерці — пра ўсё, многае. Парасткі паадміралі.

паадмо́тваць, ‑аю, ‑аеш, ‑ае; зак., што.

Разм. Адматаць усё, многае. Паадмотваць бінты.

паадмо́чваць, ‑аю, ‑аеш, ‑ае; зак., што.

Адмачыць усё, многае. Паадмочваць бінты.

паадмыва́цца, ‑аецца; ‑аемся, ‑аецеся, ‑аюцца; зак.

Адмыцца — пра ўсіх, многіх або пра ўсё, многае. Паадмывацца ад пылу. Плямы паадмываліся.

паадмыва́ць, ‑аю, ‑аеш, ‑ае; зак., што.

Адмыць усё, многае або ўсіх, многіх. Паадмываць плямы. □ — Я пазаносіў у кладоўку посуд, пэндзлі, памог хлопцам паадмываць працавітыя рукі ад фарбы. Дубоўка. За колькі дзён на рэках паадмывала ад берагоў лёд. Чыгрынаў.

паадмыка́ць, ‑аю, ‑аеш, ‑ае; зак., што.

Адамкнуць адно за другім усё, многае. Паадмыкаць замкі. Паадмыкаць кватэры. Паадмыкаць штыкі.

паадмяра́ць, ‑аю, ‑аеш, ‑ае; зак., што.

Тое, што і паадмерваць.