падко́шваць, ‑аю, ‑аеш, ‑ае.
Незак. да падкасіць.
падкрада́цца, ‑аюся, ‑аешся, ‑аецца.
Незак. да падкрасціся.
падкра́двацца, ‑аюся, ‑аешся, ‑аецца.
Незак. да падкрасціся.
падкра́навы, ‑ая, ‑ае.
Які знаходзіцца пад кранам, прызначаны для яго перасоўвання. [Каленскі:] — Правялі сюды [у порт] падкранавыя і пад’язныя чыгуначныя лініі, звязаныя з агульнай магістраллю на станцыі Пхоў. В. Вольскі.
падкра́сціся, ‑крадуся, ‑крадзешся, ‑крадзецца; ‑крадзёмся, ‑крадзяцеся; пр. ‑краўся, ‑кралася; зак.
Наблізіцца, падысці крадком, непрыкметна, паціху. [Рыль] туліцца бліжэй да чаротаў, каб спрытней падкрасціся да дзікіх качак. Колас. Аднойчы да калючай агароджы лагера падкраліся трое падлеткаў. Новікаў. // Надысці, настаць неўзаметку (аб здарэннях, з’явах і пад.). Падкралася старасць. Падкралася восень. Падкраўся страх. □ Паволі і непрыкметна падкраўся вечар. Бажко.
падкро́ены, ‑ая, ‑ае.
Дзеепрым. зал. пр. ад падкроіць.
падкро́іць, ‑крою, ‑кроіш, ‑кроіць; зак.
1. што. Выкраіць, падганяючы да таго, што было скроена раней; паправіць выкраенае. Падкроіць рукаў. Падкроіць фальбону.
2. чаго. Разм. Нарэзаць дадаткова (пра хлеб, каўбасу і пад.). Падкроіць хлеба.
падкро́йвацца, ‑аецца; незак.
Зал. да падкройваць.
падкро́йваць, ‑аю, ‑аеш, ‑ае.
Незак. да падкроіць.
падкруглі́ць, ‑круглю, ‑кругліш, ‑кругліць; зак., што.
Крыху, злёгку закругліць, акругліць.